في قلبي حروب دامية

البارت الثامن و الثلاثون

السلام عليكم و رحمه الله تعالى و بركاته ❤

البارت الثامن و الثلاثون

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

حجت ماما

- انتظر اريد احجي وياك بموضوع

- شنو هو

- تعال للغرفه حتى احجيلك

كمت وياه على غرفه سدت الباب و حجت

- اني اجيت احجيلك قبل لا تفهم الموضوع غلط من مرتك

- موضوع شنو

- موضوع الحرك

- و شنو الي راح افهمه غلط من مروه

- اني حاولت افهمه الي صار غلط بس هي عندت و عباله صار كلشي بقصد

- احجي بوضوح ترا مدا افهم عليج انتي شدخلج بسالفه الحرك

- جنت اني و مرتك دا نتعارك و من دفعتني انضربت بالطباخ

- اي و شصار بعده

- اني من دون ما انتبه جاي اوخر الجدريه من النار قبل ليوكع المي على طباخ لان فاير انكلب مني الجدر و كع على جهالك

- انضربت ايدج بالجدريه مال مي وكعت على منتهى بالغلط و هسه هم وكعت الجدريه من ايدج على جهالي بالغلط موو

- و الله مو قصدي مجنت اريد اذيهم قابل شريد من جهال صغار

- اني الي اريد اسألج هالسؤال شتردين مني هاااا شتردين مني و من جهااااالي احجيييي

مروه

جنت كاعده ارضع بمهاب بالغرفه و سمعت صوت عياط بالبيت

خليته ينام فعدلت ملابسي و طلعت

اول مطلعت من الغرفه و اسمع صوت كزاز و تكسر

من الخوف اروح اشوف شصاير لو ارجع للغرفه

ضليت متصنمه بمكاني وين اروح

طلعت منتهى على اثر الصوت

- هاي شدا يصير شنو هالصوت

- ما ادري دا يجي من غرفه امج

- تعاي خل نطب مالنه دخل

ويه ما ردت اطب ويه منتهى للغرفه طلع يحيى و ايده تصب دم

بعدني ملاحكته طلع فورا و ركع الباب وراه

دخلت ورا منتهى و حجيت

- يحيى الي جان بغرفه امج

- شنو

- توه طلع و ايده تصب دم

- وين راح

- ردت الحكه بس طلع

- الله اعلم شمسويتله و خلت هيجي يعصب بس صدك نسيت اسألج ابنج شلون احترك