في قلبي حروب دامية

البارت السابع و الستون

السلام عليكم و رحمه الله تعالى و بركاته ❤

البارت السابع و الستون

🌺 بقلم ؛ حمامة السلام 🕊 ( عاشقة غوكو ❤ ) 🌺

‏خذني بيدڪ ،!

خل ألوحن ڪل نجم
و أترس شليلڪ

- زهراء الرڪابي

منتهى

- هاي من كل عقلك دتحجي الك عين تطلب مني باربعينيه زوجي ازوج اخوه ولك انت مو ابوه اشايل اهنا متكلي

احجي و أشر على صدره

- و تردين الاوادم اتضل تحجي بينه

- و خل تحجي احنه شعلينه

- شنو الشعلينه ولج هاي سمعتنه تريدين سمعتنه تصير علج بحلوك الاوادم

- و خل تصير اني شدخلني سمعتك روح انت حير بيه مو تجي تورطني يا التخاف على سمعتك ما خفت من يجي يوم و يحضنك الجفن مثل ما حضن فؤاد ما خفت يوم ربك يسألك عني شراح تكله هم تصير عينك صلفه كدامه و تحجي بهل شكل كدامه

و بعدني ما سامعه رده ما احس غير لزك وجهي براشدي

خله وجهي يخدر من قوه الضربه

بعدني ما مستوعبه الي سواه سحبني من ايدي قوي و حجه

- انتي صاير لسانج حيل طويل و اذا عفت الجهال يمج راح تكلبيهم علينه شوفي ترا اني لحد هسه متحمل تصرفاتج لخاطر المرحوم فاحسلج اضبين لسانج و تزوجين سعد وله بعمرج الجهال مراح اشوفيهم

- حيل زودته منو انت و تحرمني من جهالي

- اني جدهم و عليه حق بيهم اكثر منج اني اخليج تاخذيهم و تكلبيهم علينه لا غلطانه هذولي من ريحه المرحوم

- من كل عقلك دا تقنعني انك مهتم لجهال توك يله اذكرت جهالك ابنك و حنيتلهم

ضغط على ايدي قوي

- انتي حيل دا تجاوزين وياي اهلج معلموج تحترمين الاكبر منج

- ربوني و احسن تربيه فلا تشكك بتربيتي الي ما تسمحلي ازوج على زوجي علمود كم احلك اعوج يلغي

- اني حجيت الي عليه يا تزوجين يا تروحين منا و تعوفيلنا الجهال

عاف ايدي و راح و را ما زرف جبدي بحجايته

احس عيوني نشفن من كد ما بجيت

الدموع مراضيه تنزل

اصعب انواع الحزن تبجي بدون ملامح

داخلك بركان وجهك يعتليه البرود

دخلت للغرفه اباوع لجهالي

فتحت الكنتور و كعدت الم ملابسهم و كلشي نحتاجه بالجنطه

حتى ملابس فؤاد اخذتهن و غراضه