في قلبي حروب دامية

البارت الثامن و الستون

السلام عليكم و رحمه الله تعالى و بركاته ❤

البارت الثامن و الستون

🌺 بقلم ؛ حمامة السلام 🕊 ( عاشقة غوكو ❤ ) 🌺

‏‏وما نسينه
إعله الدروب الماخذتڪم چودرينه
وأنتو عفتونه ولا طيف إعتناڪم
ولا تلومونه لوّن نحچي بهواڪم
هي الڪَلوب التحن أحنه شبدينه !

- فواز رشم

مصطفى

- اي الباجر راجع لبغداد

- يعني هاهيه مضل وياي بالكوت

- هناك يم اهلي احسلي شسوي ضال هنا اني من زمان جنت مقرر اجي لهنا اكمل دراستي و ارجع

- مثل ما تريد بس تعودت على كعده وياك

- و اني هم ... مصعب عود دير بالك على روحك

- و انت هم مو تكطع عنه اخبارك ...

- خوش

ضل شويه كاعد وياي و راح

اخر ليله اكضيه بالكوت صح تعودت على مكان بس اضل اشتاق لبيتي و ناسي و اهلي

لميت كل اغراضي و تمددت على جربايه منتظر طلوع الشمس حتى ارجع لبغداد

و طول الطريق عيوني منزلن من الشباك و هنه يترقبن الشارع

احسب الدقايق حتى اوصل للبيت

الملل القاتل و الانتظار طويل هو الي يتعب الشخص تلقائيا بدون ما يسوي اي شي

حد ما وصلت للبيت بلكوه اكدر اشيل رجليه

مجان ناقصني غير صوت الهوسه الي تصير و همه يستقبلوني

رغم من صدك مشتاقلهم بس مجان الي خلك اجاوب على اسئلتهم

جنت متوقع منهم يخلوني ارتاح بس مبين ضنوني كله طلعت غلط

اي بس على اقل احس بطعم وجود ناس بحياتي مو مثل قبل الوحده الي جانت مسيطره على شقتي جانت اشبه بالسجن

رغم مكضيه طلعات ويه اصدقائي و سهرات بس ميتقارن بالكعده ويه الاهل

نعمه ميحس بيه الا الي فاقده

- راح تعجبك السيارات الي هنا و السعر حيل مناسب

- راح امشي على حجيك و نشوف شنلكه

حجيت و اني دا ارفع براسي

ما تشوف عيني غير بنيه تطلع من الفرع و هي شايله جنطته و ترفع بعبايته من الكاع

صافن اريد اشوف ملامحه بس اندارت تكمل طريقه

ما احس غير ايد تضرب على جتافي

- ويامن دا احجي

- هااا شكلت

- امشي امشي شكلك مطفي و ما تداري وين الله حاطك