السلام عليكم و رحمه الله تعالى و بركاته ❤
البارت الثالث
🌺 بقلم ؛ حمامة السلام 🕊 ( عاشقة غوكو ❤ ) 🌺
يحيى
فرك بشعره و جاوبه
- ماشي
- مشكوره منك ابو منير
- بس انبهج اذا غلط مره ثانيه مراح اكول ابنج و راح اطرده
- لا ان شاء لله مراح يصير شي يضوجك
تشكرت من الرجال و طلعت تسحل بيه من ايدي للبيت
و اني جتفي مخلوع خلع من الضرب
دخلنه للبيت
ما احس غير دفعتني قوي على كاع
- يا ويلك و يا سواد ليلك اذا جبتلي مصيبه ثانيه قسما برب الكعبه احمي السجينه و اخلي اثره مطبوع على ظهرك فانتبه احسلك
كمت و جتافي احسهن راح ينخلعن من الوجع حيل اذني
اريد احركهن بس يوجعني
رحت شمرت روحي على مندر اريد ارتاح من هالتعب
- وين رحت و عفتني يا بابا ترضي اعوف دراستي و ابيع سم لناس ترضاهه
احجي و دموعي تنزل مع انو دا احاول اكتمهن
ابلع بالحسره و امسح بدموعي
حد منمت و الوجع يردح على جتافي ردح
كعدت الصبح و اني احس برجل تنكزني بجتافي
فتحت عيوني اشوفه واكفه على راسي
- يله كوم ولي اشتغل
كمت على حيلي و عضامي متكسره
اوف نمت على صلاه الفجر من الوجع نمت بدون ما احس
كمت توضيت و صليت و بدلت و طلعت
شلون اعوف المدرسه
لازم الكه طريقه احل بيه هالسالفه
رحت للمحل و بالي مشغول شلون ادبر روحتي على مدرسه و كله واكفتلي رقابه
بلكوه بعت منا لظهر باكيتين
اذن الظهر رحت حطيت علبه الجكاير و الفلوس ابطن الطابوكه الي يم الجامع
صليت و اخذتهن و رحت كملت بيع منا للعصر
بعت 3 بواكيت
رحت لصاحب المحل وديتله العلبه مال جكاير و الفلوس
و ردت اطلع
صاحني
- يوميتك متاخذه
انداريت عليه و رجعت اخذت منه الفلوس و رحت للبيت
عفتهن على سنك و رحت للغرفه شمرت روحي على مندر افكر بحل لمشكلتي
أنت تقرأ
في قلبي حروب دامية
Mystery / Thrillerرجل بسيط يعاني من قساوة عائلته و مرارة الحياة رواية حقيقية بقلمي ؛ حمامة السلام 🕊 ( عاشقة غوكو ❤ )
