في قلبي حروب دامية

البارت التاسع و الستون

السلام عليكم و رحمه الله تعالى و بركاته ❤

البارت التاسع و الستون

🌺 بقلم ؛ حمامة السلام 🕊 ( عاشقة غوكو ❤ ) 🌺

مروه

- قصدج رقيه مووو

- اي هي ... سألنه عن البنيه و عجبتنه

- نشوف ابوهه شيكول و نردلكم خبر

مطولت بالكعده مصدكت تكوم و تروح

كل جيته جانت من ورا خشمه و مبين مو برضاته

... بليل كاعده ويه يحيى

- انت اسئل على ناس اذا خوش اوادم ليش نرفض و بنهايه القرار النهائي لرقيه

- الله كريم انتي هسه عوفينه تعاي مشتاقلج

- لا عوفني تعبانه متريد اصبلك العشه

- اني اكلج مشتاقلج و انتي تكليلي العشه

- يله يا الرومنسي كوم اسبح خل اسويلك العشه

مد ايده على خدي و أخذ بوسه من شفايفي

- مو يدلل الحلو

رقيه

- هسه كولي توافقين لو لا

- و الله يا سوسن ما ادري

- باعي اذا خوش قسمه وافقي الي اجوج قبل يا عطاله بطاله يا مزوج و عنده درزم مال جهال

- اندري الدنيه مطايره اذا مصارت هالقسه تجي الاحسن منه و لو المره معجبتني مبين عليه جايه زور هسه دعوفينه انتي شلونج ويه اركان

- ماشيه اموري على تمام بس شالع كلبي ويه الجهال

- ليش ان شاء لله

- راح تطلع عيونهم من الدلال اكله ميصير لازم تشد وياهم بس ما يسمع مني

- باختصار مكادره تقنعي انو ميصير هيجي يعاملهم

- ميتفاهم فورا يسد الموضوع بوجهي على طول ميناقش يمشي كلمته عليه بدون ميتعب روحه

- انتي هم الكي طريقه تفهمي

- ماكو ايست منه الحجي ميفيد

و هيجي مر يومين و بهذني اليومين سال بيه بابا على ولدو اهله و سمعتهم زينه و اني هم مرفضت فرجعنه الرد بالموافقه

مروه

كاعده اخيط بالقماش و منتظره المره تجيب ابنه حتى يشوف رقيه بعد ما انطينه الموافقه

ما تسمع اذني غير صوت المبايل يدك

شلت المبايل و اشوف رقم اخت مصطفى

بعدني مراده على اتصال ما اسمع غير صوت العيطه

- خاله فدوه لروحج لحكينه