في قلبي حروب دامية

البارت الرابع و الثلاثون

السلام عليكم و رحمه الله تعالى و بركاته ❤

البارت الرابع و الثلاثون

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

انو يوافقون

الفرحه موسعتني و شالتني من كاعي

بعد كل هذا الضيم تضحكلي الدنيه هيجي

جانت الموافقه حلم موجود بالخيال

و جنت اكول من سابع المستحيل تقبل بيه

بس ضل عندي امل ولو صغير

و جانت الموفقه لا على بال و لا على خاطر

وبدت تجهيزات الخطوبه و من هلامور و احتاجتله اسبوع لاخ

و اني كلبي ميكدر ينتظر الدقايق نوب اسبوع

اريد اشوفه اسمع صوته الي مسامعه احجي وياه و احس بقربه

اول مره اتعلق هيجي

طول هالسنوات مجان الي وكت اجرب هالشعور

فجأه من شفته اول مره و هي اطب لغرفه عمه سحبت روحي وياه و طبت

ياريت جمال فقط

هدوء و اخلاق و خجل

عيني جانت عليه بدون ارادتي

جنت اراقب كل حركه منه و افسره الف تفسير

احساس انو اتعلق بشي لهل درجه جان غريب

اسبوع انتظره يخلص بسرعه

من كد ما مستعجل صرت احسه ثكيل

ليش هيجي ما اتحمل بعده عني ما ادري

كل الي اعرفه انو اريده

حطيت هالشي ابالي و حاولت انفذه مع اني شفته مستحيل

و صار موعد الخطوبه بعد ما حسيت روحي طلعت من الانتظار و صبري خلص

هالمره مو مثل من خطبت ازهار من ورا خشمي و مجنت مهتم باي تفصيل

هالمره متعمق بكل شي اكثر من مره رحت و رجعت للمرايه اتاكد كون خرب شعري

من فرحتي نسيت جهالي شحالهم

اول مكملت كعدت بالحديقه و انتظر لما النسوان تخلص

هالفتره الي كضيته قريب ويه جهالي

حذفت مسافه جبيره بيني و بين سوسن و رقيه

بس الي ضل عله على كلبي ياسر شل كلبي شل بابتعاده عني

ممتقبل وجودي باي شكل جان

مبين مكتوب عليه اعاني بكل شي

بس هو الجان الناقص بحياتي

هيانه مروه و صارت من نصيبي

منتهى

جنت كاعده بحديقه البيت اكرز حب