في قلبي حروب دامية

البارت السابع و السبعون

السلام عليكم و رحمه الله تعالى و بركاته ❤

البارت السابع  السبعون

🌺 بقلم ؛ حمامة السلام 🕊 ( عاشقة غوكو ❤ ) 🌺

رسيل

- متاكده الي اعرفه العار ميموت

- لسانج لج المره ميته لا ناخذ غيبتهه

- بعد يم ربج يحاسبهه هسه مضال ابالي غير جهالهه هذولي شلون بيهم

- اندري يمعوده و الله صعبه و همه بعدهم صغار

- كون ترحون لفاتحته

- و الله بابا راح يروح علمود زوجه مو شي ثاني

- و الله خوش رجال بس شلون انغش بازهار و تزوجهه بعد هاي قسمته اجتي يمهه

- تجين انتي لفاتحته

- ما دان بابا يروح اني هم اكول لمصطفى ياخذني عيب منروح نبارك لرجال علمود مرته توفت

- رسيل

- صخمان بيه مكلتي انتي ترحين

- اي اجي مع انو مو بنفسي اروح لفاتحته بس راح يذبحون لحم عليهه و الله مو مال افوتهه

- اهم شي الحم

- ابوكلي جم قطعه بالجدريه و اكلهن على راحتي بالبيت

- اذا مكدرت اجي ضميلي حصتي وياج

- تدللين

- يله اني اروح اشوف مصطفى وين راح كتله روح جيبلي عصير شو هذا صاله ساعه و ما رجع

- يله الله وياج

سديت التليفون و رحت اتمشه بالمستشفى ادور على مصطفى

ما حسيت غير شي بارد يطخ كصتي

من الخوفه شمرت مبايلي و جنطتي و اجيت اركض جان يلزم بايدي

- شبيج خفتي

- وين صرت متكلي

- غير رحت اجيبلج عصير

اجيت اخذ مبايلي لكيته متفلش

- هاك شوف ارتاحيت ... ايمته تبطل سوالفك

- ميخالف اجيبلج واحد لاخ فلوسه متغله عليج

- هاك اخذ

انطيته المبايل و اخذت منه العصير

رحت شلت جنطتي من الكاع جان يحجي

- هااا اخذتي الصوره

- اي اخذته

طلعتهه من جنطتي و انطيته اله

حط ايده على جتفي و باس راسي

- ترا واكفين بالمستشفى

- محد ماكو شو هي فارغه المستشفى