في قلبي حروب دامية

البارت السابع عشر

السلام عليكم و رحمه الله تعالى و بركاته ❤

البارت السابع عشر

🌺 بقلم ؛ حمامة السلام 🕊 ( عاشقة غوكو ❤ ) 🌺

سمعت صوت كركعه بالسطح

انداريت على امل شوفته

بس بالواقع جانت بزونه وكعت الغراض

تأففت و رحت طبيت جوه

هالمره صدك اشتاقيتله صح مرات نتعارك بس ابد موصلت بينه لهل درجه

رحت نمت و بكلبي حسرات عليه

محد يهتملي بكده

و يعرف شريد من دون ما احجي

لا بابا فهم هالشي و لا ماما قدرت وضعي و انطوني غصب لرجال ما اريده

و زفوني خدامه لبيته

مرن اسبوعين ما اجه يحيى بيهن على بيت الي عرفته انو باقي ابيت بابا طول هالفتره و ابد ما اجه و دخل للبيت

و بيوم التحاقه طلع ما اخذ غراضه من دون محد يشوفه

و كل هذا عرفته من منتهى لان ميروح يلتحق من دون ميودعه و ينطيه شي هديه

حيل مدلله و هي متعلقه بيه لدرجه فضيعه حتى مرات اشوفه اصيحله بابا

و هو يعامله كانو بته مو اخته من ينزل دومه يكضيه وياه حتى مرات ياخذه وياه للورشه الي يشتغل بيه رغم عمتي شكد تحجي عليه بس ميسمع منه يسوي الي براسه و مطنش كل حجيه

و هذا جان الي يضوجني بيه

شكد ما احاوله اخليه يعصب بلكت من الله يطلكني بس يادوب يتعارك وياي مطيني اذن الطرشه

و رغم هذا ما فد يوم قصر وياي بشي شنو احتاج يجيبلي

بس مستحيل يتغير كرهي اله

اكرهه رغم كل هالصفات الي تشوفه وحده غيري حلوه

اني اشوفه تلعب النفس

الرجال حلاته بعصبيته

مو بهدوئه

لهذا دائما جان واحد فاهي بعيني

حتى لو تغير مراح اتغير و احبه

ما اكدر اعيش ويه رجال ما احبه و فوكاه الكمه حسره عليه

اني حتلوا فرضا جنت احبه مراح ارضه اعيش هيجي عيشه وياه

و راهن خلصن اسبوعين لخ

حد مصار شهر و اني مشايفه منير

شكد حاولت اطلع من البيت و امر على محل ابوه بلكت اشوفه

بس هم مشفته

شهر واحد حسيته سنه و اني انتظر بفارغ الصبر اخبار منير