في قلبي حروب دامية

البارت الثالث عشر

السلام عليكم و رحمه الله تعالى و بركاته ❤

البارت الثالث عشر

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

شهرين مرن بدون ما انزل و لا بخاطري انزل بعد الي صار باخر مره نزلت بيه 

صرت اتقبل الوضع هنا

بس مجبور انزل

هالمره صادف نزولي ويه نزلت مهيمن

طبعا بيتهم مو هلكد بعيد علينه مجرد خطوات بسيطه بالشارع و نوب كبال بيتهم

وصلت للبيت قبله و طبيت

جانت الدنيه فجر

كله نايمه سنطه البيت

دخلت للغرفه شمرت روحي على فراش من التعب

منايم الليل كله

فتحت عيوني شفت الغرفه فارغه

هاي وينه من هالصبح مفروض نايمه

كمت طلعت من الغرفه

ماكو لازهار اي اثر لا بالغرف و لا بالحمام و المغسله

شويه و سمعت صوت باب السطح

باوعتله و هي تنزل

تفاجأت من شافتني و حسيته ارتبكت

- هاي انت هناا اجيت

- اي شسوين فوك

- هااا ..... بس شريت الملابس

- تشرين الملابس و دكم دشداشتج مفتوحه

انتبهت على ملابسه

لزمت الدشداشه بيده

كملت خطواته و نزلت قريب مني

- منتبهتله

جريته من ايده قوي و عصرته

- مره لخ ما انبهج شتكول الجوارين الي منا

- محد اكو الدنيه صبح منو كاعد بالسطح بهيجي وكت

- زين تدرين دنيه صبح و محد غيرج كاعد يغسل الملابس بوجه الصبح

- ما اجاني نوم و كمت شويه اشتغلت

ضليت صافن عليه

صح مقتنعت بحجيه بس هديت ايده

و كتله

- لطلعين بعد هيجي لسطح مجايج نوم اكو هواي شغل غيره بالبيت سوي ماجيتي الا على ملابس

- تمام لتكبر الموضوع متنعاد ان شاء لله

عفته و رحت اخذت ملابس من الغرفه و رحت طبيت للحمام

سبحت و رحت شويه اريد انام

نوب عباد الله ويه مردت انام كعدت هي و الدوخه