في قلبي حروب دامية

البارت الثاني و الستون

السلام عليكم و رحمه الله تعالى و بركاته ❤

البارت الثاني و الستون

🌺 بقلم ؛ حمامة السلام 🕊 ( عاشقة غوكو ❤ ) 🌺

عيش وحدڪ
أنته تدري الناس مابيهُم
عِرف يندل عذابڪ.

- حسين الترابي

مروه

كاعدات ناكل بالفواكه ورا ما خلصنه فطور

جان يندك الباب علينه

كمت فتحت الباب جان اشوف ضباط مسطرين كدام الباب

وجهت سؤال لواحد منهم

- هااا خاله شكو

- و الله عدنه امر بالقاء القبض على يحيى احمد

- بس الرجال مو هنا و ما نعرف بيه وين

- اي بس لازم افتش البيت

دفع الباب و فات

و فاتوا ورا الضباط يفتشون بالبيت

اباوع للبنات مخبصوات يردن يلحكن يلبسن الحجابات

حتى ما خلاني انبهن دخل فورا جنه جاي مداهمه

كلبوا البيت فوكانه

- شمالك ابني علكيفك

جان يعيط بيه

- دووووووووخري عني

معدان

لا ذوق و لا احترام اكبر منه و يعيط بوجهي

ما اسمع غير صوت عيطه هزت البيت هز

دخلت ادفع بيهم اريد يوخروني من كدامي

جان اشوف الضابط الي حجيت وياه على باب نازع سترته و مغطي بيه وجهه و حاجب بيه انظارنه عن الي ورا

جان يعيط بيهم

- انسحبوووووو طلعوا من البيت

و قبل ليطلع

- عذريني خاله مجان قصدي

بس طلعوا لكيت رسيل متمدده بلكاع و ماكو شي على جسمه يغطيه

ركضت احضن بيه و هي وجهه صاير خريط من البجي

- كافي يمه بنيتي راحوا راحوا

متحجي شي بس صوت الشهكه يكطع روحي وياه

اجمعن عليه البنات يحضنن بيه و هي ابد ما سكتت

- كومنه للغرفه و خلنه تلبس

سحلنه البنات سحل و هي روحه فاقده من البجي تنوح و تلطم

مكافي الديون المغركتنه مكافي ياسر عافنه و راح ازوج و هسه هذولي الشرطه

كمت اشيل بالغراض الي كسروه

المواعين صايرات طشار

شبقولنه

هو الاكل يادوب موفري و هسه نص غراضنه فلشوهه