في قلبي حروب دامية

البارت الثامن و السبعون

السلام عليكم و رحمه الله تعالى و بركاته ❤

البارت الثامن و السبعون

🌺 بقلم ؛ حمامة السلام 🕊 ( عاشقة غوكو ❤ ) 🌺

رسيل

رفعت جسمي من الكاع و اني اباوع لاديه متروسات دم

شوفه الدم وحده جانت كفيله تنزل ضغطي بسرعه

جريت روحي بعيد عن الكزاز و انتجيت على جربايه الكط نفسي

هنا و اسمع صوت ابراهيم يبجي

هسه اني احير بيه لو احير بروحي

نفس ما احس ضل بيه

اختنكت

غرفه طول و عرض ضاكت عليه

- رتااااج لللللج رتااااااج تعااااي

بس ماكو محد رد عليه

خباثه من عده

مدري اني هم شبيه اعول عليه و اصيح و ادري وله وحده من البنات حتجي و تساعدني

كومت روحي و شلت ابراهيم و اديه يصبن دم

كماطه شفط الدم من ايدي

نومته على رجليه و كعدت اهز بيه حتى يسكت

حد ما نام رجعته لفراشه و كمت غسلت ايدي و بدلت ملابسي

شلت الكزاز و مسحت الكاع من الدم و رحت غيرت الكماط لابراهيم

كلشي مشوش كبالي و مدا اكدر اشوف

بديت اخاف من روحي كلما تتكرر هالحاله وياي

كل شوي جايبه مزهريه و كاسرته و من تنكسر اجيب وحده لخ حتى اكسرهه

حرام اذا جايبته لزينه

طلعت شريط براسيتول و شربته

رغم ما يفيد بس محاوله فاشله بعد ما فقدت السيطره على هالوجع

حطيت راسي على مخده و حاولت انام و ارتاح

بس مكدرت انام و هالدوخه كاضبتني

حسيت بعطره قريب عليه

رفعت جسمي بتعب و حجيت

- ايمته اجيت

- هسه انتي خليج نايمه ليش كمتي

- اساسا مكدرت انام

نزل عيونه على ايدي

فورا سحب ايدي لعنده

- شصار بايدج

- انكسرت المزهريه وكعت فوكاهه

- رجعتلج الدوخه

- اي و الله

- باجر اوديج لدكتور احسن

- زين ماشي

- يله انتي حاولي تنامين

- خل احضرلك الحمام دقيقه