في قلبي حروب دامية

البارت السابع و العشرون

السلام عليكم و رحمه الله تعالى و بركاته ❤

البارت السابع و العشرون

🌺 بقلم ؛ حمامة السلام 🕊 ( عاشقة غوكو ❤ ) 🌺

ازهار

فزيت على صوت عيطه ماما الي رجت البيت

من الخوف

اريد اطبب المفتاح بالباب ميطب

حد مكدرت افتحه طلعت لكيت ماما كاعده بصف بابا و تبجي

و هو ساكن ميتحرك

تملخ بروحه و تبجي

اقتربت منه

اريد اكذب الي شفته

حطيت ايدي على جتف ماما و حجيت

- احجي شبيه بابا

مجاوبتني

- ماما احجي كولي مبيه شي

بهل لحظه دفعتني قوي و عاطت بيه

- من وراج راح من وراج مااااات و عافني وحدي ابتلي بمصايبج راح ارتاح منج و من عارج موتي ابووووووج مووووووتي ارتاحيتي هسه مووو ارتاحيتي يله ارتاحي مات الرجال من وراج عافني بحالي و ماااات عساج انتي المتي بداله

كعدت بلكاع تبجي و تجر بشعره و تهلسه و اني واكفه متصنمه اباوعله

بعدني ممستوعبه الي دا اشوفه كدامي

رجعت للغرفه سديت الباب و انتجيت عليه احاول استوعب الي صار

جانت اديه مشمورات من القنفه و عيونه مفتوحات على وسعهن و دكم دشداشته جانت مفتوحه

جان منظره يخوف و هو بهاي الحاله

غمضت عيوني و كعدت على كاع و اني ضامه رجليه لصدري

معقوله مات لو هذا حلم

ضربت على وجهي اريد اكعد من هذا الكابوس بس ماكو مكعدت

للاسف مجان حلم

جان واقع لازم اتقبله

مسحت دموعي و رحت طلعت يم ماما

جانت بعده تبجي و تملخ بروحه

- ا ...........

بعدني محاجيه كاطعتني

- اشش وله نفس ما اريد اسمع صوتج روحي لغرفتج و لا اشاوفيني وجهج

- ماما

- ااااااااااااااني مووووووو امج اني معندي بنيه كتلت ابوهه

- بس

- حسسسسسسج ما اريد اسمعه يله كومي روحي لغرفتج و لطلعين و تراوين خلقتج ما ارحمج اكتلج مثل ما كتلتي ابوج يللللله

جرتني من ايدي و دفعتني للغرفه

بس مو اني الي كتلته هو جان مريض و راح يموت باي لحظه