في قلبي حروب دامية

البارت الخامس و الستون

السلام عليكم و رحمه الله تعالى و بركاته ❤

البارت الخامس و الستون

🌺 بقلم ؛ حمامة السلام 🕊 ( عاشقة غوكو ❤ ) 🌺

رسيل

خلصت العطله الصيفيه اسرع من المتوقع

بعد ملل فضيع خلصت الثالث

الفرع الادبي جان محط اهتمامي بما انو حلمي اصير محاميه

بينما شكلي و ملامحي بتغير مستمر بديت لبس العبايه بكل طلعه الي من البيت حتى بروحتي للمدرسه

جان بهل تغير بالبس اثر على شكلي

حسيت روحي اكبر من كوني رابع اعدادي

جنت ابين بشكلي اكبر وحده بين اخواتي

قليله الصداقات

اقتصرت على اثنين بنات اشوفهن بالفرصه لا غير

اروح و اجي بدربي بدون ما احتك باحد

ما اريد مشاكل من اي نوع

لازمه الكتاب و النعسه تتراكص بعيني

ما نمت الا وجه الصبح

كلما تبات يمنه سوسن نضل سهرانات و ماخذتنه السوالف و منحس الا المؤذن يصيح الله اكبر

كعدت الصبح الي ما اطيقه تخليني افكر بالغياب يوم واحد حتى اخلص من الروتين هذا

الجو بارد مال اروح احضن الصوبه و اضل بفراشي

حسيت بخطوات تلاحكني

صارت بيه خوفه و اني اذكر سوالف الخطف الي اسمعهن من النسوان الي يجن يم ماما

سديت الكتاب و صرت امشي بخطوات سريعه

- شحلاتج بالعبايه غير جنج الكمر طالعه

شكد ادب سزز لعد

مبين من هذولي المزعطه الي مكضيه ليل نهار يم مدارس البنات يتغزلون

انداريت عليه جان اشوف حامد

صاير عنده لحيه وجه تعبان

واكف و يبتسملي

حاجيت روحي

- يله هو و لا واحد جاي يخطفني

سمعته يحاجيني

- هااا رسيل لا تخافين اني حامد يمكن نسيتيني

درت ظهري اكمل طريقي

- لا ما نسيتك و شعندك جاي مو كتلك لا تجي

- اشتاقيتلج رسيل ليش اشلعين كلبي ارضي بيه و خلينه على حب الله مو تعبتيني و شلعتي كلبي ليل و نهار افكر بيج رجعت مرتي و ابد ما طايقهه بسببج

- و اني شكو هالحجي روح احجي وياهه روح الله يخليك لحد يشوفك

- ما بيج امل