في قلبي حروب دامية

البارت السادس عشر

السلام عليكم و رحمه الله تعالى و بركاته ❤

البارت السادس عشر

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

كتله

- معندج شي تحجي الي

صفنت بوجهي و كالت

- لا شنو يعني مثلا احجيلك

- متاكده متردين تكليلي على فد شغله

- مثل شنو

اقتربت و همست باذنه

- حملج

اخذت صفنه بوجهي و حسيته توترت

- أ ال .... يعني اني ..... جنت راح احجيلك بس

- بس شنو

- هيجي خجلت

و نزلت راسه و هي تلعب باظافره

رجعت لحضني و محجيت شي

ضليت العب بخصلات شعره حد محسيته نامت

و خرته من يمي و لفيت راسي و التفكير شالني شل

كل جذبه شكبراته اجذبه و عينك عينك صح اغلس بس مرات بعد ما اكدر اغلس

ازهار

ثاني يوم الصبح كعدت نظفت شويه و رحت بدلت علمود ياخذني يحيى لاهلي

شافتني عمتي و حجت

- خيرك يا طير وين موليه

- لبيت اهلي

- شنو زعلانه ان شاء لله

- لا اروح اشوف بابا مريض

- صلوات اذكرتي عندج اهل

- عمه شرايده فضينه

- كملتي شغل

- اي كملت

- لعد ولي و خلصيني من اشكولج

طلعت و ياي يحيى

مدري شكو جاي وياي

شكم شارع و اني اوصل

وصلنه للبيت طبيت

سلمت على ماما و فتت جوه

دخلت لكيت بابا نايم على قنفه

بابا عنده عدم انتظام السكر بالدم فحيل حالته متأزمه

سلمت عليه بس مبين ضايج مني

دخل يحيى سلم عليه و راح

ضليت افرك باصابعي و هو ساكت ميحجي وياي

و ماما منتجيه على باب تباوع علينه

حجت ماما

- هااا ازهار شو ساكته متحجين

- شحجي مثلا

حجه بابا

- مبين جايه من ورا خشمج و مجان الج نيه تشوفين ابوج