في قلبي حروب دامية

الجزء الثاني البارت الرابع و الاخير

السلام عليكم و رحمه الله تعالى و بركاته ❤

الجزء الثاني البارت الرابع و الاخير

الكاتبة ؛ حمامة السلام 🕊 ( عاشقة غوكو ❤ )

مهاب

صحيت على دفرات قويه ابطني اول ما فتحت عيوني لكيت اثنين ضباط واكفين فوك راسي

- يله كوم

مكدرت ارفع رجليه من الكاع جان تجيني الضربه الثانيه على وجهي

- كوم لك مكاعدلك بفندق تاخذ راحتك بيه

منتظروني اصحه زين جروني من جتافي و دخلوني لغرفه التحقيق نفسه و كعدوني على الكرسي

شويه و دخل الضابط نفسه الي حقق وياي اول مره و كعد كبالي

- هااا صحصحت زين لان محتاجك تكون صاحي علمود تجاوبني عدل

شافني مرديت دفع بطل المي كدامي

- اشرب وراك هواي كلام لازم تكوله الي

مكدرت ارفض و اني ريكي يابس من البارحه اخذت البطل و شربته كله و بعدني احس روحي عطشان

- زين هسه تكدر تشرحلي بالتفصيل وين مكان المخدرات الي ضامه

- اني مضام شي

- رجعنه لهاي السالفه ترا كلهه اول ما تجي تكول اني بريئه و بعده يعترفون على روحهم لان يعرفون ماكو طريقه يخلصون بيه من عدنه الا انو يعترفون و يخلصون فهاي الافلام كله ماره علينه و مراح تمشي كل الي اريده منك تعترف بسرعه و يخلص شغلنه وياك

- ما عندي شي اعترف بيه اذا انت عندك احجي و كول

- بديت تجاوز بكلامك شوف ورا هاي الغرفه اكو غرفه ثانيه اذا تحب اكدر اشاوفك ياهه راح تعجبك

عرفت وين يريد يوصل بكلامه اذا ما اعترفت بالجرم على روحي راح ياخذوني للتعذيب بالغرفه الي حجه عنه

- شو مدا اجاوب تريد ناخذك لهناك

باوعتله بطرف عيني و حجيت

- سوي الي تريده ما عندي شي احجي وياك

- بسيطه نشوف وين توصل وياك

اشر لضباط الواكفين وراي و صاح

- اخذوه

اخذوني و هالمره شمروني بغرفه ثانيه ويه مجموعه شباب و حالهم ما يفرق عن حالي

كعدت بلكاع ارجع افكر بلي صار و شنو السبب الي خلاني اجي هنا بس ماكو اي تفسير اجه على بالي

يحيى

جان الليل اجه و النوم ما اجه لعيونه حايرين شنسوي على المصيبه الي اجتي علينه متهم بسالفه مخدرات شيطلعه هذا اذا ميركعوه 30 سنه ميرتاحون و اول ما انرفع اذان الفجر رفعت اديه ادعي انو تفرج و يطلع ابني من هناك و كمت صليت الفجر