في قلبي حروب دامية

البارت التاسع عشر

السلام عليكم و رحمه الله تعالى و بركاته ❤

البارت التاسع عشر

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

دخلت للبيت و اول صوت اسمعه من ادخل البيت صوت الجهال

النغمة المعتادة للبيت

بس جان اكو صوت غريب من كل هاي الاصوات

صوت بجي طفل

دخلت للمطبخ

و اشوف ازهار شايله طفل و تهز بيه

ضليت صافن عليه حد ما انتبهتلي

كالتلي ابرود و توتر

- هلا بيك نورت

نزعت حذائي و بعده عيوني متمركزه على الطفل الي بايده

حد مطبيت اقتربت مني و حجت

- هذا ابنك شوفه

اخذت من بين ايديه و بعدني بحاله صدمه

راحت ازهار تكمل المواعين و اني الطفل بايدي

عباره عن قطعه لحم صغيره خفت من انو احركه لا أ أذي

كعدت بلكاع و هو بحضني

اباوع على ملامحه و جسمه

حطيت راسي يم راسه و اخذت نفس

ريحته وحده جانت كافيه تنسيني كل هذا التعب الي جنت شايله

رغم طول فتره حمل ازهار محسيت باي شي

بس هسه اكو فرق اكدر احضنه و اشمه

ضل بادي شويه و اني املي عيني بشوفته

نساني الدنيه و همومه

حد منتبهت

رفعت راسي و سألته

- شسميتي

- ياسر

رجعت باوعت عليه شلون نايم بحضني

- شكد صاله من اجه

- مباقي شي و يدخل بالاربعينيه

يعتي صاله فتره من ولد

حتى ملحكت على ولادته و لا كدرت اكبر باذنه

هاي الظروف حرمتني من احله لحظه بحياتي شوفه ابني اول ما انولد

كمت من الكاع و اخذته وياي على غرفه

انتجيت على خشبه الجربايه بلكاع و ضليت اباوعله حتى نسيت اشوف حبيبتي الصغيره منتهى

حطيته بفراشه و ضليت شويه اباوعله نوب كمت ادور على منتهى

طلعت بره بالحديقه ادور عليه

حد ملكيتي بالترك مغمضه عيونه و منداره للحايط