في قلبي حروب دامية

البارت الخامس و السبعون

السلام عليكم و رحمه الله تعالى و بركاته ❤

البارت الخامس و السبعون

🌺 بقلم ؛ حمامة السلام 🕊 ( عاشقة غوكو ❤ ) 🌺

رسيل

ما احس غير كمز عليه و صار يخنك بيه

اطرافي جمدت و بعدت مكدرت احركهن

اريد ادفعه عني ما اكدر

حيلي انهد و احس النفس انكطع

جسمي صار نار

و اني احس بعد هاهيه ما اكدر اقاوم و راح يكتلني بمكاني

زاد بالضغط على ركبتي

ما اكدر اسعل و اطلع صوت

حركتي انشلت و صوتي انشل و ماكو بيني و بين الموت غير انو الفظ اخر انفاسي

بديت اغمض عيوني و استسلم لنهايه المكتوبه

نسيت شكله شكد يلعب النفس و فكري صار كله يم الموت

حد ما وخر ايده عني يله كدرت اسحب النفس

جسمي خدر بالكامل

من هول الموقف وله من الخوف من شكله مكدرت اعيط رغم اكدر اصرخ بعد ما ابتعد عني

عيوني مركزات بوجهه

عبد اسود

عيونه احسهن راح يطلعن من وجهه و حلكه خالي السنون

اما اصابعه

فالعظم طالع من الحم

بالكوه اكو شي يغطي جسمه غير قماش مشكوك

جمجمته الظاهره و قله شعره اضافت لمظهره رعب اكبر

حد ما استوعب الموقف و استجمعت شي من طاقتي

عطت بعلوا صوتي عسا و لعل احد يسمع صريخي و يجي ينقذني

اعيط بكل قوتي حد ما حسيت بلاعيمي اتجرحت

اعيط بس ماكو احد يغيثني

محد سمع صرختي

احس مضلت بيه قطره دم و اني موجوده جوه نفس السكف ويه هالمخلوق

استجمعت الي بقه من طاقتي و شلت المزهريه و شمرته عليه

تكسرت و صارت طشار بلكاع و هو كلشي مصار بيه

ضليت ازحف برجليه ليوره و لزكت بالحايط

حتى الدموع صارت تخاف تنزل بهيجي موقف

كلبي اعلن حاله استسلام و بده يتسارع بالنبض و يقل بشكل مخيف

اريد اكوم و اطلع من الغرفه بس بلعني الخوف

اريد ارفع رجليه عن الكاع ما اكدر

وجع و صار يطرب على اطرافي