في قلبي حروب دامية

البارت الثلاثون

السلام عليكم و رحمه الله تعالى و بركاته ❤

البارت الثلاثون

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

نزلت راسي و جان تدخل هي و امها

لزمت عمه و سألته

- منو هذولي

- كرايبي

- كرايبج

- اي من بعيد لتصفن زايد

- اها

راحت طبت جوه يمهن و اني ضليت كاعد بالمطبخ اكطع بالتفاح و اكل

شوي و اجتي تريد تصب العصير

حجت

- لا تروح تبقه وياي على عشه

- ممضمونه عمه الكعده ضوجه و خصه اذا تاخروا خطارج يمج

هفت راسي بالصينيه و حجت

- ماكو طلعه وصلت

- وصلت ههه يله روحي

- متروح

- ما اروح و الله ما اروح

اخذت العصير و راحت و اني ضليت اكشر بالفواكه و اكل

ساعتين و همه يمنه

لا اكدر اطلع و لا اكدر افتر بالبيت براحتي

خوش كرايب مبين راح يباتون يمه

ضليت متمدد على حصيره منتظر رحمه الله

شويه و طلعوا

طلعت المره ويه بته ام عيون السود

اباوع عليه حد ما طلعوا و راحوا

طبت عمه

- جان كتيلهم يباتون

- شنو

- ادري شكد طولوا

- هنه ساعتين

- الي اعرفه واحد يجي نص ساعه و خصه بحالتج لانج تعبانه

- دكوم جر هاي الحصيره

- وين اجرها

- يم الباب جرهه

جريته و رجعت كعدت عليه

- هذولي كرايبج من وين

- منا من بغداد قابل من وين

- اول مره اشوفهم

- كرابتي بيهم حيل بعيده مو ذيجه القرابه يعني ابد ما اجوي و زاروني من مده طويله

- و ذيج البنيه

- تقصد الصغيره

- هو اكو غيره

- اي هاي مروه بت خالديه بس ليش تسأل

- فضول

- كمت اخاف من فضولك