في قلبي حروب دامية

البارت الثاني و الاربعون

السلام عليكم و رحمه الله تعالى و بركاته ❤

البارت الثاني و الاربعون

🌺 بقلم ؛ حمامة السلام 🕊 ( عاشقة غوكو ❤ ) 🌺

ياسر

- بابا اني اريد اشتغل وياك بالمحل

عدل كعدته و حجه

- و دراستك

- ما اريد اكمل

حجت ماما

- سامع شيمسلت

- دنطي مجال خل نفتهم اذا ميريد يدرس شنسويله نجبره مثل الجهال يرحون للمدرسه

- ترا هذا مستقبله تريد يضيعه

- شبيدي عليه و فوكاه شبيه اذا اشتغل وياي احسن من ما نجبره على شي ميريده هو هالسنه داومه بمزاجه و هيانه درجاته كدامج شحال من نجبره يدرس عود وكته هو اختار هو يتحمل نتيجه اختياره

- و شيصير اذا درس و اخذ شهاده

- نفس الشي ترا ماكو فرق اخذ شهادته و اشتغل نفس الشي اذا اشتغل وياي اثنينهم شغل و اثنينهم يجيبون فلوس و اثنينهم حلال لتكبرين الموضوع اهم شي ميضل كاعد بالبيت

- هي بس هاي العايزه

رجعت ماما للمطبخ

فحجه بابا

- هاهيه بس يكمل الشغل على محل تبدي تشتغل وياي

فرحت من وافق مجنت متوقع يرضه و هو دائما يكلي شهادتك

احلى شي معنده شي اسمه الجبر كلشي على راحتنه بس بالمعقول

فؤاد

الدنيه عصر كاعد و منتظر ماما تجي من بيت عمه

شويه و دخلت ماما وجهه احمر

- غراب لو حمامه

- غراب

- بربج

- انت لو شايف استقباله النه تكول كاتلين ابنه و مندري حتى الجاي راد تشمره بوجهنه

- يعني موافقت

- كالت اسبوع و اردلكم خبر بس ما اظن توافق

- لا تكوليه

- قابل جذب هو المره باقي شويه و تطردنه نوب تنطيه بته انسه السالفه اني اكلكياه منتهيه من زمان نجلاء مراح تنطيك بته

- مو جنت متفائل

- خلي تفائلك بغير سالفه

- اذا راح ترفض ليش انطت اسبوع

- و شدراني روح اسئله

- احتمال توافق

- ضل تأمل من ترفض لتكلب خلقتك عليه

- فديت المعصب

- ديله كوم ذبل الزبل وياك

- هاي تاليته الي يتغزل بيجن يكوم يذب زبل