في قلبي حروب دامية

الجزء الثاني البارت الاول

السلام عليكم و رحمه الله تعالى و بركاته ❤

الجزء الثاني البارت الاول

الكاتبة ؛ حمامة السلام 🕊( عاشقة غوكو ❤ )

رقية

ويه صوت اذان المغرب ويه كومتنه علمود نصلي سمعنه صوت خرب حاله السكون و الطمأنينه الي جان داخل بيه الكل

صوت سيارة الشرطة جان حيل عالي بس ما توقعنه يوكف هالصوت يم بيتنه

ويه كل دعاء انو ميكون صاير شي يندك الباب قوي و يجي صوت رجال يامرنه انو نفتحله الباب

بسرعه لبست ماما العبايه و راحت تفتح الباب و ايدهه على كلبهه لا يكون صاير شي موزين

و صدك طلع احساسه بمكانه من حجه الضابط

- يحيى احمد موجود

- لا ما موجود مسافر

- شو وخري خل نفوت نفتش البيت

- شو ماخذ راحتك ترا البيت محد بي بس اني و بناتي و ولدي طالعين متكدرون تفتشوه

- مو بكيفج خاله منو يكول يحيى مسافر و انج ما ضامته بالبيت

- مو هو جاهل صغيروني اضمه دا اكلك زوجي مو بالبيت و ماكو رجال بالبيت متكدر تفوت تفتشه بيا حق جاي تفوت على بيتي شعندك ويه زوجي

- جاي بلاغ على زوجج انو ما دافع الدين الي عليه و الرجال يريد فلوسه و زوجج صاله سنين ما منطيه فلوسه و مغلس عليهن

- دين شنو زوجي ما عليه ديون رجع الفلوس كله لاصحابه مضل احد يطلبه فلوس

- شوفي خالتي دا تاخرين شغلنه وخري عن الدرب و خلينه نفتش البيت

- يا ابني شتفتش كنالك الرجال مسافر

الرجال ضاك خلكه و ماله حيل يناقش راح دفع امي على صفحه و دخل هو و الضباط الي وياه

اباوع الجوارين واكفه تريد تفهم شسالفه و ليش الشرطه جايه احنه شمسوين ...

دخلت للبيت اشوف تاليته شلون راح تصفه

دخلوا لكل الغرف و ما خلوه حرمه للبيت غرف البنات دخلوه و هنه كاعدات بيهن بدون ميدكون الباب و يستاذنون

لزمتني ماما و حاجتني

- روحي دكي على اخوانج خل يجون

رحت جبت مبايلي و دكيت عليهم بس محد رد عليه

هذا طبعهم من يشتغلون مينتبهون للمبايل يدك لو لا ناسين رواحتهم

اكثر من مره دكيت بس ماكو اي رد

جايه اروح اكول لماما انو محد رد لكيت الضابط نازل دوسه بالاسئله وياهه و دا يضغط عليه عباله دا نجذب و ضامين بابا عنه