في قلبي حروب دامية

البارت الرابع و الستون

السلام عليكم و رحمه الله تعالى و بركاته ❤

البارت الرابع و الستون

🌺 بقلم ؛ حمامة السلام 🕊 ( عاشقة غوكو ❤ ) 🌺

حال يحيى

‏ڪتبنالك رسايل شوڪَ
بيها أعتاب وأحچايات ماتبرد
يمته تصير وانلاڪَيك
عين بعين وأنحاچيك
وأنڪَلك خذانه الشيب يمعود.!

رسيل

- شصاير ... على شنو تبجون

اخذن صفنه بوجهي و نزلن روسهن يبجن

- كولن شصاير لضلن ساكتات

جان يحاجيني مهاب

- جدو فيصل توفه

- تدري شقاك صاير ثكيل يله كول شصاير ترا و الله مالي خلك

راح انتجه على حايط

- ليش الموت يتشاقه بيه

- ما اصدكك اعرف دا اجذب عليه علمود اضوجني

بس وجوهم مجانت ادل انهم جانوا يجذبون

بس استمريت بالنكران

- عبالكم تضحكون عليه لا اني ما اصدكم

شمرت الجنطه يم الثلاجه و رحت صعدت للغرفه

غطيت راسي بمحاوله يائسه انو ما اسمع بجيهم

الموت حقيقه توجع بس احنه نرفض نعترف بيه

فضلنه نصدق الاكاذيب الي تكول الاحباب لا يغادرون

نزلن دموعي بحاله صمت مزعجه

ما اريد اصدك العبارات الخاصه بالموت

اريد اصدك الشغلات الي تنفي هالشي تماما

النكران و عدم التصديق اوجع من الحقيقه نفسه

حسيت بادين ناعمات يدخلن مسامات شعري

- يله بنيتي كومي خل نروح ... تودعين جدج قبل لا يودوه للغسل

حجته و بصوته بحه ادل على انه باجيه هواي خلت صوتهه يتغير

- ما اريد اروح

- يله كومي و لشلعين كلبي وياج

مردت الح و اضوجه فكمت و اني لحد الان ما مستوعبه الي صار

مراح اصدك الا من اشوفه بعيني

بس خايفه لا يطلع هالحجي صح

اتمنى يكون كابوس و اكعد منه باسرع وقت

لان ضاق الحال بصدري

حسيت بثكل بكل اطرافي

بابا مجان موجود مبين رايح قبلنه

وصلنه ايهم لهناك

اول ما نزلت من السياره و اني اشوف الاوادم كله متجمعه ابيت جدو

البيت صايره بوخه من تجمعات الناس