في قلبي حروب دامية

البارت الواحد و الثلاثون

السلام عليكم و رحمه الله تعالى و بركاته ❤

البارت الواحد و الثلاثون

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

- وينه منتهى شو ماكو

- هاا ..... هي .... هو مريضه و مكدرت تجي

- و شكو اتأتئين هيجي

- لا بس عقلي مضال بمكانه من الدوخه

راحت هدى و ضليت كاعد وحدي اباوع لناس الي جايه دا تطلع

عود جاين على اربعينيه كعدوا شافوا الفضيحه و الصخام و طلعوا

لو باقين بعد بايتين هو شضل مشافوا

عمه قفلت الباب على روحه هي و لجين و بعد مطلعن

احسن بس يطلعن ترجع العركه تكب

رحت كمت اباوع شصار ما صار

عمو فيصل متمدد وجه احمر نار و خشمه بعد يصب

عوزه بس واحد يحجي وياه حتى يطلع بيه حركته

ضل متمدد شويه لما كام

حجه فؤاد

- عمو ضل متمدد موزين عليك ضغطك بعد صاعد

دفعه من يمه و صاح

- امشي ولي من كدامي

كام يمشي و هو مرتكز على حايط

وصل يمي خزرني و طلع

اباوع لسفره صايره دقله

المواعين المكسره بصفحه

الاكل المطشر

هاي من سحل لجين سحل وياه الاكل و المواعين

انشالت السفره المواعين و الاكل شيله وحده و لسطله الزبل

باوعت لماما الكاه واكفه تباوع عليه و تضحك

طلعت من يمي و هي تهز باديه

كله طشت لبيوته بقيت بس اني و هدى

حد ما خلصت شغله رحت وصلته و رحت رجعت للبيت

ثاني يوم رحت لعمو فيصل حتى احاجيه

دخلتني عمه لكيته كاعد يشرب جاي بالحديقه

اجيت كعدت يمه

- شعندك جاي

- احجي وياك معلوم مكدرنه نحجي البارحه بسبب الهوسه الي سويته

- انت مخليت شي ينحجي لا انت و لا عمتك

- هسه انت فهمت حتى تحجي شو هجمت قبل لتسمعنه

- شتريد افهم عفتوا هاي ال ***** تفلت و كأنوا مصخمت وجوهنه شلون تعوفه تروح غير تجيبه الي حتى اخلص من عاره