في قلبي حروب دامية

البارت التاسع و الاربعون

السلام عليكم و رحمه الله تعالى و بركاته ❤

البارت التاسع و الاربعون

🌺 بقلم ؛ حمامة السلام 🕊 ( عاشقة غوكو ❤ ) 🌺

‏زغار چنّه ؟؟
وڪلشي بعيون الزغار
يصير جنة
يا مراجيح الهوى لوحن ڪَمرنه .!

- علي الجبر

رسيل

واكفين اني و ايهاب نباوع من الباب مال صاله بسكوت

حجيت

- ايهاب منو هاي المره اول مره اشوفه

- اني هم شايفه شلون جنه برميل مو زين عليه كدرت تفوت من الباب

- تخوف محلوه انت بس باع كرشه وين واصل

- ليش منسأل ماما عليه

- سألته قبلك كالت معليكم وحده كرايب بس مبين عليه ضايجه

- اذا كرايب يمكن مو منا لان اول مره نشوفه

- تعال خل نرجع نلعب بالطوبه مو شغلتنه لا تجي ماما و تعصب علينه

- اي خل نروح

سوسن

مجتفه اديه و اباوع للمره الكاعده مكابيلي

- ايمته راح تحجين

- حد ما يجي ابوكم

تأففت بنفاذ صبر و قله حيله

المصيبه مو انو تجي مره غريبه ما اعرفه تكول اني امكم الغريب انو ماما منكرت كلمه من الي حجته هاي المره

معقوله الي تحجي هاي المره صدك

اذا صدك ليش مدا اذكره ليش ماكو اله اي اثر بذاكرتي

منتظرات بابا يجي و يفهمنه منو هاي المره

صعب تكدر تنتظر و دمك محترك

اباوع لرقيه و اهز برجلي

المره بس تباوعلنه و تعاين بينه و تحجي ويه روحه

كالبه وجهه جنه ما عاجبه الوضع

متحملت اضل ثانيه كاعده كباله

جاي اكوم دك مبايلي

جريته و طلعت بره

جان اركان دا يتصل بيه

جاوبت

- هلا اركان شلونك

- حمد الله انتي شخبارج

- زينه يعني

- و ليش يعني

- و الله ما ادري من افتهم اني عود افهمك

- صاير شي

- اي

- بليل من امر عليج عود فهميني خوش