في قلبي حروب دامية

البارت الخامس و الاربعون

السلام عليكم و رحمه الله تعالى و بركاته ❤

البارت الخامس و الاربعون

🌺 بقلم ؛ حمامة السلام 🕊 ( عاشقة غوكو ❤ ) 🌺

حال فؤاد

‏ميّز جرح عن جرح
بيهن يطيب بزعل
و بيهن يطيب بصلح

و جرحي عرفت علته
جرحي دواه الملح

جرحي الكَبل يستحي
شو هسه صاير وكح

بي حاله من الغجر
الليل يكَضي سهر
وينام وكت الصبح !

حال منتهى

‏طشيتهن و تلملمن .
ولميتهن و اطشرن .
يوم الردتهن ما لفن .
يوم العفتهن چودرن .
يمي و عليه .. تراشدن .
شنهو السبب
بس ما حچن :
آجروحي حيل آستهترن .
رگصن رگص .. مثل ..الغجر
هزن خصر ما يستحن

يحيى

ويه حجايته نزلت دمعه

- عندج صدك عادي اذا ازوج عليج

- اي

- برأيج متريدين تصيرين انانيه و تحرمي من الجهال موو

- اي

- بس مو انانيه من حرمتي منج

- شوف .....

- لا تكملين من تبنين بيتج لا تهدمي باديج عسا ما تعيشين بقصر تحسين روحج ضايعه بله بيت ماكو بيت راح يأويج غيره تكولين عادي بس جواتج مو عادي فهمت انتي متردين تاذي بسالفه الجهال و ابتعدتي عنه بس سألتي شنو رأيه اتخذتي هالقرار وحدج مو هاي انانيه منج انتو تاخذين قرار بدل عنه و تجاوبين بدل عنه هنا مو صدك صرتي انانيه من حرمتي انو يجاوب و ينطيج قراره وله بس انتي يحقلج تتخذين هالقرار و تنهين هاي العلاقه

- اني ..... هو .... ميعرف مصلحته لان احبه عفته

- ميعرف مصلحته بس انتي تعرفين مصلحتج ما اظن هالشي لو تعرفين شنو مصلحتج جان مهدمتي بيتج و على شنو تهدمين اعوفه لان احبه مووو لو تحبي جان ما اذيتي بغيابج جان ما جرحتي اليحب ما يجرح و انتي جرحتي

مجاوبت شي و ضلت منزله راسه

- مو كلشي بهل دنيه يجي مثل منريده القناعه حلوه بس هذا مو يعني ادمرين سعادتج و سعاده غيرج على حساب شغلات ثانيه ارضي بحياتج مثل ما هي و لا تقررين شي عن غيرج اني حجيت بعد و القرار صفه يمج

- تمام

كمت و طلعت من الغرفه اعوفه تفكر بلي حجيته عسى و لعل يتغير قراره

منتهى

عافني يحيى بحيرتي و اني افكر بلي سويته

بس ما اكدر ارجعله و اذيه

البعد احسن حل الي و اله

تمددت بوسط كل هاي الهموم و اني حايره لوين راح تجرفني