في قلبي حروب دامية

البارت التاسع و السبعون

السلام عليكم و رحمه الله تعالى و بركاته ❤

البارت التاسع و السبعون

🌺 بقلم ؛ حمامة السلام 🕊 ( عاشقة غوكو ❤ ) 🌺

رسيل

لحظه عصبيه خلتني اجفص و احجي الي حجيته

ما استوعب حجم الكلام الي حجيته شكد جبير حد ما كضبني من شعري و لزكني براشدي فلش حلكي

لا من عادتي ارفع صوتي و اغلط بهل شكل

بس معروف العصبيه من الشيطان

و مبينه شيكدر الشيطان يسوي

نفسه الي خله نبي يغلط يكدر يخلي البشر يغلطون

غمضت عيوني بخوف ورا ما حسيت حجم الحجي شكد جان اكبر مني

منطاني مجال اتوسل بيه حد ما اجاني الراشدي الثاني

دائما الندم يجي ورا ما نشوف نتيجه افعالنه

راح يكون الاعتذار كافي

وله مراح يوفي الاعتذار حق الغلط الي صار

حسيت بالحزام يصلخ جلدي

صرت اخاف تطلع صوت صرختي

كل الي كدرت اسوي الزم برجله كمحاوله فاشله لتوسل بيه يعوفني

ما احس غير دفرني برجله على خاصرتي

عافني متمدده يم الجربايه اتلوه من الوجع و طلع

اذتني بطني حيل 

لا بيه اكوم و لا بيه ابقه كاعده انتظر يهدني الوجع

رفعت حالي لجربايه و غطيت روحي بالحاف

جسمي انكلب بسرعه من الابيض للازرك

- اني لساني شكد طويل هسه شستفاديت انجلد جلده مرتبه

الوجع جان متركز ابطني بشكل فضيع

احس دا اتكطع من جوه

رغم ضربته مجانت ذيجه القويه بس مدري ليش اذتني بطني بهل شكل

ضليت اتكلب من وجعي حد ما تعبت و بديت اغفه بدون ما احس

تعبانه و عيوني نص مسدودات

اريد اكوم اشرب مي بس مالي خلك

جسمي متكسر و دا ياذيني

بقيت بالفراش و اني احس شفايفي يبسن من العطش

كمت اخر شي شربت مي و لميت غراضي

دكيت على مهاب و كتله يجي ياخذني

حاولت شكد ما اكدر اعدل نبره صوتي و ما احسسه بشي

حطيت شويه مكايج على وجهي حتى اخفف اثر الضرب

ولو اني مو من الناس الي تحط مكياج بس مجبوره حتى ليبين عليه شي

شويه اروح ارتاح يم اهلي و ارجع