في قلبي حروب دامية

البارت الثاني و الخمسون

السلام عليكم و رحمه الله تعالى و بركاته ❤

البارت الثاني و الخمسون

🌺 بقلم ؛ حمامة السلام 🕊 ( عاشقة غوكو ❤ ) 🌺

سوسن

ما اشوف شي كدامي كلشي مثابت

اشوف رجليه تتحرك بتوتر بالغرفه

ماما تمسح على كصتي بالمي

مدا اسمع شي غير صوت خفيف ممفهوم

توضحت الصوره كدامي بس شفته احس نار و شبت بيه

اعيط و ادفع بلي يمي

- اااااااااااطلع رووووووووح مناااااااااااااااااااا

ادين تلزمني تريدني بس اهده و اني بس شفته كدامي احس عقل مضلي

حسيته دا يقترب مني تخبلت اريد بس يهدوني عليه مطايقه وجوده احس دا اختنك

صارت خطواته بعيده و تروح و تجي ناحيه الباب حد ما طلع

هنا حسيت روحي ارتاحت

احجي و مدري لمنو احاجي

- لتخلوه يجي مااا اريده لا تخلوه يقترب مني بعدوا عني

ادين تتحرك على وجهي و اديه تريدني بس اهده بس ماكو احس الدنيه و انكلب بيه

هسه يله كدرت ارتاح

- شبيج بنيتي حاجيني شصارلج و هيجي تخبلتي سوالج شي

- لا تخلي يجي لا تخلي يفوت بعد لهنا ما اريده

صار ياسر كبالي و حجه

- احجي شسوالج اذاج شي احجي كولي حتى اعرف شلون اتصرف وياه

احس راسي داخ من حجيهم تعبت و بعد ما اكدر اشوف شي

حطيت راسي على صدر ماما و حاولت اهدى بس كلبي يرافس من مكانه

حتى اني ما اعرف شصار كلما جان يقترب مني احس روحي دا تلعب منه

اسمعهم يتهامسون بس على شنو ما ادري

دخت من حجيهم و كلامهم

- ماما اخذيني للغرفه

- صار يار روحي

اخذتني ماما للغرفه و هي حاضنتني

خلتني اتمدد على جربايه

كعدت يمي و تلعب بشعري

- ليش يا يمه سويتي هيجي اذاج اركان بشي احجي ليش هيجي طردتي مو عيب

- ما اريد اشوفه و كليله بعد ليجي لهنا

- ليش احجي شسوالج و هيجي معصبه منه

- ما اريد اشوفه

- غير تكليلي شنو السبب

- ماما اريد ارتاح تكدرين تعوفيني