في قلبي حروب دامية

البارت السابع

السلام عليكم و رحمه الله تعالى و بركاته ❤

البارت السابع

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

اخذه عمي على مرجوحه يهز بيه و يناغيله حد ما نامت

شويه اكدر اشمر روحي و ارتاح

بس مدام الموضوع هواي الا و رجعت تبجي من وجعه

ضلت تبجي لحد ما أيسنه منه تسكت

اخر شي كام عمي و لفه بالبطانيه

حجت عمتي

- وين ناوي تاخذه

- رايح افرفره بالسياره بلكي تسكت

تأففت عمتي و رجعت للمطبخ

و عمي اخذ منتهى و صعد بيه السياره و ظل يلف سيارته بالمنطقه شويه هدت نوعا ماا بس كل شوي اشوفه من باب الحوش ترجع تبجي

ضل حالنه اهيج لما صارت الدنيه مغرب

و منتهى رافضه تحط الكمه بحلكهه

حد ما ضلمت الدنيه و عمتي كاعده تشربه حليب بخاشوكه صغيره و هي تون من الوجع

حيل تعبتنه وياهه

و ماما مكلفت روحه و لا اجتي سالت على منتهى شلونه

ورا ما شربت الحليب ضلت تون حد منامت و هو بس تون

اباوع على جسمه صاير احمر بشكل

صارت ساعه 11 بليل

فرشتلي عمتي بلكاع يم منتهى الي انطته عمتي منوم حتى تنام

طفت الضوه و طلعت

و اني بقيت اباوع على منتهى شلون نايمه

عمتي اهتمت بمنتهى اكثر من ماما

الي ما اتحملت دقيقتين من بجي منتهى و لا سالت عليه

مدري بعد شراح نشوف من ماما و لوين راح يوصل بيه الحال باذيتنه

ضليت اراقبه طول الليل من دون ما تغمضلي جفن

و عمتي ما قصرت كل شوي تجي تباوع علينه تتاكد

للفجر و اني النوم مهزلي الجفن

كمت صليت و سويتلي اكل و رجعت اراقب منتهى

شويه و كعدت منتهى بس شويه احس مبجت و لا شي

عفته يم عمتي توكل بيه و رحت يم عمي فيصل

كاعد يسوي بالغراض الي بره

كالي

- يحيى بله زحمه عليك ودي هاي الاسبانه لعمك ادريس اذا مصير عليك زحمه

- لا عادي احسلي من الكعده

اخذت الاسبانه و رحت لبست قمصله انطتنياه عمه و رحت اتمشه بالشارع لحد موصلت بيت عمو ادريس