في قلبي حروب دامية

البارت العاشر

السلام عليكم و رحمه الله تعالى و بركاته ❤

البارت العاشر

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

- ازهار

- ازهار

- اي ما انت اقترحته عليه من الاول

- اي بس اني اقترحته عمياوي يعني تصلح تصيرلك مره

- ما ادري اني ما اعرفه هواي بس اختاريته لان هي بت عمي الوحيد الي عمره مناسب لزواج ابغداد بقيه بنات عمي الي ابغداد كلهن بالابتدائية اما بقيه بنات عمي الي عمرهن نفس ازهار بغير محافظات و اني مالي خلك ازوج وحده من بنات عمي بغير محافظه نوب ابتلي كساع اوديه تشوف اهله نوب وضع مو امان اخذلي وحده منا احس اخلص من شغله وديني لاهلي و ماكو غير ازهار هنا

- هم خوش تفكير بس ازهار تعرفه لسان وكحه حتى عمتك تشكي منه متكدر تتحمله

- عادي تحملت ماما كل هالسنوات ما اتحمل ازهار نفس الشي و ترا هي مو هلكد مو زينه

- اعرف بس ما اظنه تصلح اصيرلك مره لان بعده على تصرفات الجهال

- تتعلم عمو تتعلم

- يعني هاهيه نخطبلكياه

- اي

- لعد راح افتح الموضوع ويه امك علمود نروح باجر نخطبه

- باجر

- جا ايمته لعد

- لا بس بهل سرعه

- اي خلينه نكمل سالفه الخطوبه بهل اسبوعين و من تنزل مره لخ العرس ان شاء لله

- هسه هموا وافقوا عليه

- و عليش ما يوافقون منو يرضه ابتهم خوش قسمه جايته

- قابل شبيه ازهار عوره حوله و محد يرضه بيه

- علمود عرامته محد يرضه بيه

- احسك تبالغ

- من تزوج عود تعال احجي يله كوم خل نحضر العشه اني وياك

كمت وياه نشيش بالمعلاك و التكه و نشوي و هو كاعد ماخذ الواهس يحجلي عن طفولته هو و ابوي

حيل احب اسمع شغلات عن بابا لان ما اظن شبعت منه بما فيه الكفايه

كعد يحجي عن عركاتهم و ايامهم حتى زواجه بمامه و يوم و لادتي و كلشي

بس حتى مكدرنه ندفن بابا بمكان زين يلوك بيه

اندفن بصحراء يم معامل البصره

اندفن و احنه مندري عنه شي

حتى سمعته تشوهت بين الناس

عباد الله مترحم حتى العظم تاكله اذا تكدر