في قلبي حروب دامية

البارت الثاني و الثلاثون

السلام عليكم و رحمه الله تعالى و بركاته ❤

البارت الثاني و الثلاثون

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

- ما ادخل غريبه لبيتي

- غريبه موو دخلنه القريبه شوفي شسوت

- و حجيته بلسانك لعد الغريبه شسوي اذا هي القريبه و صخمت وجوهنه

- يوووم

- قابل حاجيه شي غلط تريد تزوج اني اخطبلك وحده من بنات عمك غريبه ما اطبب لبيتي

راحت طبت جوه و هي تعيط

توقعت رفضه هذا

رحت وراهه للغرفه

- هسه انتي شفتي اخلاقه حتى تحكمين

- و انت مين شفت اخلاقه هااا لتكون مصاحبه من وراي

- لا مصاحب و لا شي

- لعد مين شفت اخلاقه

- مرتين شفته مره من اجتي لعمه ورا فاتحه عمو و بالاربعينيه و الي شفته جان كافي

- مرتين و هيجي كمت تنحثل عليه تريده شوف غريبه ما ادخل اني لبيتي

- شبيه الغريبه تبزز

- تبوك متخاف على بيت منه

- عسا ما اجيب حرامي لهل بيت ميطلع كد ازهار

- لجيب اسم هاي العار هنا

- لعد جذب

- لطول بحجي ماله داعي اني من الاخير مقابله مره غريبه ادوس عتبه بيتي

- انتي شفتيه حتى تحكمين

- و لا اريد اشوفه كتلك ما ازوجك لغريبه بنات عمك موجودات اختار منه الي تريد

- لعد شلون انطيتي منتهى لواحد غريب

- على اقل مدخلته لبيتي

- بس دخلتي بتج لبيته متاكدتي هذا خوش رجال لو لا

- ما دان عنده فلوس خوش رجال و معيشه مرتاح معليك انت

- صبرررررررك ررررررربي صبررررك

- عليك ان شاء لله يله ولي من كدامي

- مولي مولي

- ولت روحك كون

رحت طلعت ليبره مخنوك

مروه

سمعت ماما اصيحني

- هااا ماما

- روحي لبسي عبايتج ودي هاي المركه لعمتج حنان

- دقيقه يوم

لبست عبايتي و شلت الجدريه و رحت بيه لبيت عمه حنان

مواليدي 1969م