في قلبي حروب دامية

الجزء الثاني البارت الثاني

السلام عليكم و رحمه الله تعالى و بركاته ❤

الجزء الثاني البارت الثاني

الكاتبة ؛ حمامة السلام 🕊 ( عاشقة غوكو ❤ )

رقيه

طلعت المره و مبين من وجهه انه راضيه فاجتي ماما و سالتني

- شنو رايج

- اسمع راي بابا بالاول بعدين اكلج رايي

- مثل ما تريدين

و بليل فتحت ماما الموضوع ويه بابا و هو سبق سائل عن الناس من اجتي امه للولد قبل هالمره و حجت عن نيته انو تاخذني لابنهه و بابا من سئل عنهم ما سامع عنهم شي موزين ابد فجان مبين انو راضي على الولد و مقتنع بيه و اني هم كلت هاي هي قسمتي و بعد كم يوم انطيت موافقتي لان حبيت افكر بالموضوع قبل ما اوافق لان جان صدك بنفسي تصير عندي عائله و انشغل بيه

بس جان المكتوبلي غير و جانت حكمه الله و قضاء مختلفه عن الي اني جنت متخيلته

مروه

اهلس بخيوط الحصيره و بصفي جارتي الي لازمه استكان الجاي تشرب منه و تشكيلي همومهه

فسالتهه

- شكد مر

- اكثر من سنه و بعدني اتوجع حتى اخاف اطب بيتهه

- بس ليش زوجهه سوه هيجي

- و الله ما ادري يا مروه كل واحد من كرايبي يحجيلي شكل يكلولي زوجهه جان يسكر و يجي للبيت معصب و يطلع عصبيته كله باختي و بليلته من راجع مدري على شنو متعارك وياهه و جايب الساطور و ضاربهه على راسهه و ماتت

- شكد حكموا عليه

- مدري و الله كلشي ما اعرف عنه بس عساه يتعفن هناك بالسجن و ما يطلع

حركه كلبه على اخوه الي مات بسكته و على اخته الي انذبحت ذكرتني باخواني الي دفنتهم بالتراب اذكرت حركه كلبي عليهم و شلون بعدني اتعذب على فراكهم و بعدهم عني معرفت شجاوبه و اواسيله همهه و اني همي ما عرفت شلون اواسيه

- عوفيج يمعوده كلنه رايحين يمهم انتي متكليلي شخبار بناتج لا حس لا خبر

- و الله ماكو شي البنات على حطته بس بتي رقيه راح تنخطب

- لحظه هي مو رقيه هاي المريضه بكلياتهه

- اي هي

- لعد شلون راح تزوجوهه

- ما فهمت عليج شنو يعني شلون تزوجوهه

- يا عيني متدرين المريض بكلياته ميصير يزوج

- شنو ليش ميصيرلهه الزواج

- و الله هذا الي الي اعرفه يا عيني المريض الكليه ميرهمله الزواج كل واحد و حسب حالته طبعا انتوا لازم اسئلون دكتورهه لرقيه تعرفون يصير تزوج لو لا ترا الموضوع صحه بتكم خاف لا يضرهه الزواج