في قلبي حروب دامية

البارت الخامس و العشرون

السلام عليكم و رحمه الله تعالى و بركاته ❤

البارت الخامس و العشرون

🌺 بقلم ؛ حمامة السلام 🕊 ( عاشقة غوكو ❤ ) 🌺

منتهى

جايه احجي

صاحوا على هدى من جوه علمود يرحون

- احجي بسرعه قبل ما اولي

- شغله طويله بس وصي عمي فيصل يمر عليه

- عمو فيصل مو هنا

- سافر ورا العرس عنده شغله مستعجله فراح للموصل

- لا بربج

- اي ليش شرايدا منه

- هيجي انتي يله روحي و لا تكولين لاحد تمام

- مثل متردين

راحت هدى و اني بقيت كاعد بالغرفه

شويه ارتاحت نفسي من حجيت وياهه

بس القلق و الخوف و لعبان النفس من وضعي بعده موجود

مجرد افكر انو راح ابقه طول عمري عايشه ويه هذا الهمجي تخوفني

مبيدي شي على روحي

بس بالي مشغول يم يحيى

رجعت كعدت بالزاويه اباوع للحايط و احاول اتجنب اباوع على غرفه

شويه و سمعت صوت الباب يندك و دخلت منه بنيه تطلع عشرينيه

باوعت عليه و رفعت حاجبه و حجت

- لا اضلين متكربسه بالغرفه اكو خطار تريد تشوفج و حطي مكياج على وجهج و اذا احد سألج شبيج هيجي حالج و عينج منفوخه كولي وكعت من الدرج و معليج بالباقي

راحت طلعت من الغرفه

كمت اخذت نفس و رحت لبست شي فستان بس بلكوه و اني احس مفاصلي كله مخلوعه

حد ملبست البدله و ربطت الحزام مالته متت من الوجع

رحت كدام المرايه اباوع وجهي خريط صاير ميتباوع عليه من الضرب

حلكي مزورك و منفوخ و عيني منفوخه

كمت حطيت مكياج و حاولت اخفي الاثار على حلكي و كدرت اخفيه بس عيني بعده منفوخه و مدمايه من جوه

و احاول انزل الدرج بس موجوعه

اسمع صوت الضحك جوه

حد موصلت لجوه الدرج متت بوحعي و حسرتي

دارن وجهن عليه و باوعنلي

محجن شي بس رحت سلمت عليهن و كعدت بصف البنيه الي مساعه اجتي

- هاي شبيه وجه البنيه و هم دا تعرج

- وكعت من الدرج خاله