في قلبي حروب دامية

البارت السادس و السبعون

السلام عليكم و رحمه الله تعالى و بركاته ❤

البارت السادس و السبعون

🌺 بقلم ؛ حمامة السلام 🕊 ( عاشقة غوكو ❤ ) 🌺

رسيل

سمعته يكول

- خوش ... افكر و اردلج خبر

سديت المبايل و رجعت راسي ليوره بتعب

ايمته اطلك و اخلص من هالمشاكل

حسبت روحي كده بس طلعت غلطانه

اني ضعيفه

ما اكدر اتحمل كلشي

قدرتي وصلت حده

استعجلت بقراري هذا

دفعت بيه دراستي و راحتي و صحتي

للاسف مو كلشي ينحل بالحب

اكو شغلات ثانيه اذا انعدمت بالزواج مراح يستمر

و اني مراح اكدر استمر و هالشغلات معدومه

صح ما اريد اتركه ورا ما تعلقت بيه بس ما اكدر اكمل وياه

اني ممجبوره مثله اتقبل اهله

تزوجت حتى اخلص اهلي من حملي

بس ورا ما ازوجت زاد حملي عليهم بمشاكلي الي متخلص ويه عيالي

حاطه راسي على رجلين بابا و مغمضه عيوني بتعب

- متاكده تردين تأجلين هالسنه

- حتلوا ما أجلته راح ارسب شالفايده اداوم

- بكيفج ... انتي وعدتيني اصيرين محاميه لتنسين

- ان شاء الله بابا

شويه كام لشغله و عافني وحدي

مجان الي خلك اكوم و اتحرك بس كمت ساعدت رقيه بالشغل

- ليش هلكد مستعجله على طلاك صبريلج فتره

- شصبر بعد يا رقيه اذا همه من اول شهور زواجي سولي سحر شيسون بالجايات اني ممستعده كل شوي جايبه مشكله لبابا من ورا عمايلهم بيه نوب هو تعبان حتى روا زواجي خلصه تفرفر عليه و ما كعد خل يرتاح من همي

- مو جان هذا نفس حجيج من ردتي تزوجين

- شدراني راح يطوخوه وياي بهل شكل

- رسيل دا تستعجلين هواي بقرارج هذا الزواج و الطلاك مو لعبه مو كلما مليتي و ضجتي و صارت مشكله او تعبتي تصيحين طلكوني هاي مسؤوليه قبلتي بيه لازم تتحمليه بحلوها و مره

- و الله اني استعجلت على مسؤليه و تندمت

- تتحملين نتيجه استعجالج الرجال هواي دا يركض وراج و يتعب و اموت روحه عليج و كل مره موقفج الصد وينه سوسن خل تعلمج شلون ما عافت زوجه بعد كل الي صار بيه هو ضل متمسك بيه و هي مقبلت تعوفه تعلمي و ضحي شويه صايره جنج مزهريه مو بس هو كاتل روحه عليج الزواج لازم مبادره من الطرفين الي دا اشوفه بس هو دا يبادر كلشي ماكو منج