في قلبي حروب دامية

البارت الستون

السلام عليكم و رحمه الله تعالى و بركاته ❤

البارت الستون

🌺 بقلم ؛ حمامة السلام 🕊 ( عاشقة غوكو ❤ ) 🌺

- باچر نموت بـ حزنّه و أنتَ ما منڪ نشِد ،🖤

مروه

- شدا تحجي و يعوفنه بهل ضيم وين راح يروح

- راح يكعد ابيت بيبي نجلاء

- شنوه دا تشاقيني انت و هاي الجهال ياهو اليصرف عليهم يعوفهم بالجوع و العوزه و يروح ياهو النه و احنه عايشين على راتبه

- روحي احجيله هذا الحجي مو الي

- و ليش شسويناله و هيجي عافنه و راح

- يكول شنو ابوي يشرد و يخليني بوجه الناس شنو حايط نصيص الكم

حطيت ادي على كصتي احس روحي دخت

مدا استوعب يعوفنه بله معيل

رحت اخذت المبايل و بس اريد ادوس رقمه ايدي ترجف

دا يتصل

رد عليه

- هااا شكو شرايده

- وين عايفنه و رايح

- رايح يم بيبيتي عندج مانع

- تعوفني هنا ويه اثنين ولد مراهقين و خمس بنات شكالتلك روحك هاااا

- انتو حيروا بروحكم اني بعد ما الي دخل بيكم لا اعرفكم و لا تعرفوني و فلس من راتبي ما اشوفون

- شجاك و انكلبت علينه ولك مكافي دين ابوك نوب تروح و تعوفنه اذا ما غازر بيك التعب فكر باخوتك منو الهم

- اني مالي دخل بيكم شيصير بيكم خل يصير

- هاي بيبتك وازه براسك مووو

- خلصتي حجي ما عندي وكت اضيعه اسمع عتابج تردين تعاتبين احد عاتبي الرجال الي اسمه ابوي و الي هو زوجج هو الي عافكم مو اني

و جان يسد الخط بوجهي

ادري اني وين طحت بزماني و هاي الجهال وياي

اجتي رسيل كعدت بصفي و تمسح على شعري

- ماما لا ازعلين احنه ندبرهه

- شندبر متكليلي شندبر حتى السوبر ماركت نسد و اخوانج صفوا بله شغل مين انجيب احنه مصروف الله يا الله شحجي و اكول على بيبيتج كلبت اخوج علينه وصفينه بله معيل ما صدكت هي خلصت من الايجار و اشترت بيت و احنه وكعنه بالديون شلون ما تكيف

- ميخالف ماما الله يباوع لحالنه لتقريهن روحج زايد ...

يحيى

الدنيه ليل كاعده بصف النار و جلال يشوي بالسمج

عدل السمجات و اجه كعد بصفي