في قلبي حروب دامية

البارت التاسع

السلام عليكم و رحمه الله تعالى و بركاته ❤

البارت التاسع

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

حجه عمي

- يحيى مناوي تزوج

تفاجأت من سؤاله متوقعت يسألني هيجي شي

جاوبته

- شنو مناسبه هالسؤال

بعده مجاوب اندك الباب

و راحت عمتي فتحت الباب

دخل واحد من جهال عمو ادريس و كال

- ماما تصيحك علمود الحطب

- اي جاي

كام عمو من مكانه و راح طلع

رجعت اباوع لعمو و كتله

- مكلت شنو مناسبه هالموضوع

- غير كبرت مناوي تستقر

- عمو هو اني شهر بالحرب و اسبوعين هنا و على اي لحظه اروح شهيد تريد ازوج و اترك وراي مره و جهال وين يحيرون بروحهم و امي ما ترحم هو منتهى اني خايف عليه خوف مو طبيعي من اخوانه نوب ازوج و ابتلي

- هسه شعندك مفاول على روحك متريد تأسس حياتك بعيد عن امك

- ما ادري

- شنو متدري فكر زين ابدي اسس حياتك شمنتظر يوفتك العمر و تعجز علمود شنو اني اخاف اموت بالحرب

- و منو ممكن ازوجه عود اذا ردت

- اكو ما شاء لله بنات عمك ما شاء لله من الي تريد و ازوج من عدهن عندك بنات عمك من بغداد و الناصريه و العماره اشكال الوان و هنا عندك بت عمتك ازهار تاركه الدراسه تكدر تزوجه في حال ردت وحده قريبه عليك فافضل وحده ازهار

- ما ادري عود بعدين افكر صدك شسويت بشغله الكيزر اخر مره كلتلي ما فاد وياه اي شي و راح تجيب واحد ثاني

- هههه عود صار عندي امل شويه بيه انو يتصلح جبت مصلح و دفعتله اخر شي مكدر يصلحه راحت فلوسي على مصلح و اخر شي انجبرت اجيب واحد جديد

شويه ضلينه نحجي و طلعت من بيت عمي اتمشه بالطريق و افكر بسالفه الزواج حجي عمو بيه شي منطقي

خو ما اضل كاعد يم ماما طول العمر تكفخ على راسي بالرايحه و الجايه

بس من جهه حتلو ازوج معندي فلوس اخذ بيت ثاني و اصرف عليه فمجبور ابقه ابيت ماما

ضليت حاير و اني افتر بالمنطقه

حد موصلت البيت

فتحت الباب و اني اسمع صوت عياط الجهال

رجعنه لنفس الاسطوانه

دخلت للبيت

لكيت الصوت من غرفتي