في قلبي حروب دامية

البارت الخامس و الخمسون

السلام عليكم و رحمه الله تعالى و بركاته ❤

البارت الخامس و الخمسون

🌺 بقلم ؛ حمامة السلام 🕊 ( عاشقة غوكو ❤ ) 🌺

مروه

و جان اسمع صوت عياط سوسن من جوه

رحت اركض ليجوه و كلبي من الخوف احس بيه وكف

و ما اشوف غير سوسن متلبده يم الطباخ و ساده اذانه و تعيط و رقيه صافنه بوجهه

- شبيه ليش هيجي تعيط

- ما ادري بس شغلت الراديو و هيجي كامت تعيط من يمه

شو تعاي كوميه ميصير تبقه كاعده بلكاع و هي مريضه

اباوع عليه شلون تبجي

ساده اذانه و خصلات شعرهه مغطيه وجهه

كامت رقيه اجر بيه و اطلعه بره المطبخ

اباوع لراديو مشتغل على قرآن بصوت ناصي

- رررررقيه

- هااا ماما

- جربي توكلين سوسن مره لخ

- مو جربت قبل شوي

- جربي هم مره لخ اني وراي اسوي الغده

- تمام

حطيت شويه تمن ويه كاسه لبن و اخذته و راحت

اسوي بالغده و صافنه على راديو

- معقوله من صوت القرآن ...... لا اكيد اني متوهمه و ليش اضوج من صوته

ضلت السالفه عالكه ابالي

حد ما دخلت عليه رقيه و حجت

- ماما مسمعين الباب يندك

- هااا

كعدت من صفنتي و انتبهت صوت الجرس حارك الدنيه

طلعت اشوف منو و اني دايخه بسالفه سوسن

فتحت الباب جان تدخل منتهى

- شبيج مسمعين صوت الباب دخنت من الحر

- لا و الله مجنت اسمع تعاي فوتي

فاتت جوه و فورا راحت لسنك تشطف وجهه بالمي

- اي مكلتي شلونج

- بخير بخير حمد الله بس سوسن شبيه اول مسمعت الحجي من فؤاد اجيت ركض

- اندري يمعوده شو فورا انتكست حالته هيجي و مندري شنو السبب لا تاكل لا تشرب و بس تصفن على حيطان

- ترا ماكو هيجي واحد تنكلب احواله بله سبب مجربتوا تاخذوه لشي دكتور

- خايبه اخذناه لاكثر من دكتور نفس الخيط و الخرابيط مالتهم علاجات ما نفعته على عكس ضرته

- و هسه شلون يضل حاله هيجي وله شلون

- و الله ما ندري شنسويله