في قلبي حروب دامية

البارت الثامن

السلام عليكم و رحمه الله تعالى و بركاته ❤

البارت الثامن

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

حرب ايران او حرب الخليج الاولى الي اندلعت في سبتمبر / ايلول 1980م

جنت هواي اسمع اخبارهه من عمي من جنت اروحله

بس مجنت اركز وياه بخصوص اخبار البلد و السياسه

حد ما اجه قرار التجنيد الالزامي الي يشمل التحاق كل شخص عمره فوق 18 و حظي من اجيت ادور تعين اجه التجميد الالزامي يكفخني كخفه معدله جان القرار راجع سنه 1981 بس مشملني لان جان عمري 17 سنه و هسه شملني على حظي

جان شعور يخوف انو اروح لجيش و خصه بعد ما عرفنه الوضع الي كايم بين العراق و ايران وين واصله الحرب جنت اعرف انو اني رايح للموت بعز رجليه

مجنت افكر بروحي بس افكر بمنتهى الي كلبي مينطيني اعوفه ضايعه بين اخوانه هاي منو اله اذا اني صارلي شي

الخوف من الموت اسوء من الموت بحد ذاته

و اكيد اي شخص راح يخاف و هو يعرف انو راح يدخل بنص الانفجارات و الطلق اذا صار بيه شي منو لاهله

معرفتي كانت قليلة بالسياسه و هلامور يعني جنت رايح و اني جاهل بالوضع تماما

لان سابقا كان همي دراستي مجنت اشغل روحي بغير امور لذا جنت اطرش بالزفه

تأزم الوضع بالعراق و الحرب الي دا ادمر وضعيته اكثر و اكثر

عمي فهمني بالوضع و شرحلي كلشي و ماما اكثر وحده فرحانه مجهزه اديه بالدعاوي لخاطر ارجعله ملفوف بجفن ابيض يبيض وجهه

جانو عمامي سانديني بهل مرحله و رحت و اني محمل بدعاوي من عمامي و عماتي حتى ادخل عتبه الحرب

حضرت غراضي و رحت التحقت بالحرب الي ما راح ترحم احد

جنه نلتحق و نضل شهر و ننزل اسبوعين و نرجع نلتحق يعني عذاب نفسي

اول مره من التحقت انضميت لمجموعه شبابيه مثلي بعضهم هاي ثاني او ثالث سنه او خامس سنه و بدوا يعلموني على وضع صح حسيت الوضع صعب و اني اسمع منهم قصص الشباب الي ماتت و راحوا ضحايا

و اهيج مر شهر على التحاقي اول مره احس بالضيم هيجي شهر واحد شبعت شوفه من الماتو

نزلت و كلبي يدك شوق اشوف معشوقتي الصغيره منتهى الي طول التحاقي افكر بيه و بحاله من دوني

هي ماله احد غيري بالبيت

الله اعلم بحاله

رحت ركض على بيت

اشتاقيت لشوارع و المحال احسه سنه مرت مو شهر

شهر جان كفيل يخليني ارجع اكول الحمد لله اني عايش