قيد من ذهب

مناقشه

مساء الفل عليكم ....لاحظت وانا بتابع تعليقاتكم علي الروايه مجموعه اراء عن جاذبيه شخصيه مهران أو صالح عن جاسر فحبيت اتكلم في الموضوع ده
اولا الروايه واقعيه عن شخصيات ومواقف حقيقية وده كان هدفي من اول ما فكرت اكتبها وعشان كدة ترددت كتير انزلها من تقبل الواقع اللي هو بيكون اوقات كتير أكثر قسوة من الروايات وكان في تعليقات أنه بنهرب من الواقع وهكذا عشان كدة حابين شخصيه مهران أو صالح اكتر بس انا حبيت اوضح وجهه نظري أن انا لو اوقات بتابع روايات أو افلام وهكذا خلينا نقول شبعنا من البطل الغني اللي محصلش والبنت اللي مفيش في جمالها اتنين الهادئه اللي بتسمع كلام البطل العصبي اللي بيتغير علي ايديها .....ملايين من الورايات كدة ومنها روايات ليا عشان كدة حبيت اكسر القاعده في ورد وناقشت العنوسه بمفهوم المجتمع والاغتصاب وكمان البنت اللي وزنها مش مثالي من نظر المجتمع والمطلقه وهكذا ....انا عن نفسي كقاريء أو متابع اينعم ساعات بحب اقرء حاجه تطلعني من المود علي سبيل التسليه ولكن في عقلي اللي ليثبت وينقلني لحاله هو عمق الفكرة أو مناقشه حاجة بتمر علينا كلنا .... نهرب من الواقع مفيش مشكله بس انا مش حابه افضل اكتب حاجات مكررة عن بطل خطف واحده وكل الإمكانيات متسخره له .... انا عن نفسي حابه البنات تقرء وتستفيد عشان متتصدمش في الواقع وخلينا حيادين أن عيوب جاسر عاديه وموجوده انا بناقش الحلول وكمان ماس مش مثاليه ...زي أغلبنا الاول بتحاول تلاقي شخصيتها وبعدين بتحاول تدور علي سعادتها مع زوج بتحبه ...الاتنين محدش غلطان بس الاتنين عندهم عيوب ....مي وماجده وهويدا كلهم شخصيات حوالينا ..فين الحل هو ده اللي بتكلم عنه .....
انا لما بعيد قراءه روايات قديمه ليا بفكر أن فيها مواقف كتير فعلا دون واقعيه او حتي علي الاقل قريبه منها حلو اوي نشوف حاجه بعيد عن الواقع بس برضه التجديد مطلوب وده اللي فكرت فيه ...... انا عن نفسي شايفه أن بالرغم من جاذبيه مهران وغموض قصه صالح بس مفيش فيهم فكر جديد علي قدر سرد ومواقف بحاول اغيرها عشان تطلع بالشكل ده ولكن شخصيه جاسر وماس مرهقه أكثر اننا نشوف حياتنا العاديه القريبه مننا قدامنا .....مش كل البنات يتقابل المدير الغني اللي بيغير من الهوا وبيعمل المستحيل عشانها اوقات المستحيل بيكون في هديه لطيفه وكلمه حلوة ..... كام بنت او متابعه شافت نفسها وحماتها ومرات اخوها أو غيره في الروايه ...خلينا نخرج برا شخصيتنا ونشوف المواقف من برا يمكن نظرتنا تتغير ونقدر نغير مواقفنا تجاه اللي قدامنا .....يعني لقيت آراء كتير أن ماس تعديها أو أن جاسر يجي علي نفسه .. اعتقد الراي ده وصل لما شوفنا الموقف من وجهه نظر جاسر وماس في حين أننا بتكون اوقات مكانهم .....
طولت عليكم بس حبيت اوضح وجهه نظري للروايه وبحترم جميع الآراء لأن انا برسم كل الشخصيات وحلة أن كل واحد جاذب فئه معينه ولكن اللي حابب فكرة الراجل المثالي مفتكرش هتكون موجوده في الروايه دي يستنوا الروايه الجديده .....مستنيه رأيكم
دمتم سالمين
البارت أن شاء الله قريب جدا