قيد من ذهب

اقتباس.

مساء الفل ...اقتباس تاني ....
تمام لاحظت أن كتير منكم متابع واتباد وطبعا تقديرا لكم هكملها واتباد وجروب الفيس ولكن رجاء يكون في تقدير اكتر من كدة ....فعلا دمي بيتحرق جدا لما الاقي ٥٠٠٠ قراءه وحتي ٧٠ تعليق عيب جدا وعدم احترام ولاتقدير
انا مش هقول واتباد بيستفيد اد ايه من الكتاب وان مصلحتي انزل في. مدونه أو تطبيق اخر لأن مالكمش ذنب ولكن هقول طيب قدروا الروايه ولو بكلام ....انا كل فترة بعيد قراءه روايه واول حاجه بعلمها بقرء التعليقات عليها واد ايه بحس بحماس للمناقشه بتاعتكم في التعليقات مش قلوب ولا برافو ولا احلي كاتبه لا تعليق علي حدث أو موقف في أحداث الروايه مفتكرش أنها صعبه ...  عموما انا كدة وضحت وجهه نظري عن نقل الروايه لمكان آخر أو عدم إكمالها لأن طالما كدة كدة مفيش تقدير معنوي وانا بكتب لنفسي يبقي مش فارق
دمتم سالمين

امسك جاسر بذراعها سريعا : خدي بس تعالي هنا
انساقت ماس الي جذبه لها ليقربها جاسر منه ويسألها بينما عيناه تقابل عيونها
: كنتي قلقانه عليا ؟!
أومات دون تفكير : اكيد
أحاط خصرها بذراعيه وقربها إليه أكثر لتشعر ماس بدقات قلبها تزداد من اقترابه بينما مال جاسر ناحيتها وقرب وجهه من وجهها وعيناه تتطلع الي عيونها باشتياق بينما يهمس بجوار أذنها : افهم من كدة اننا اتصالحنا ؟!!!
لامست أنفاسها المتسارعه وجهه بينما تحاول ماس الا تتأثر بقربه بينما تخونها كل إرادتها وتنساق الي قربه الذي اشتاقت له بعد طول جفاء ....
لتهز راسها متهربه منه : لا ...
حاولت تحرير نفسها من بين ذراعيه ولكنه لم يدعها بينما
ابتسامه خبيثه ارتسمت علي طرف شفتاه وهو يدرك كيف تجاهد لمقاومته ليردد بنبره ماكره  ::يعني هنفضل متخاصمين !!؟
أومات وهي تحاول فك حصار ذراعيه من حولها : انت اللي بدأت
رفع حاجبه : يعني مكنتيش قلقانه عليا من شويه ؟!
أومات دون تفكير : اه كنت قلقانه عليك بس ده مالوش علاقه بخصامنا
قال جاسر بمكر : ولما انتي مخصماني بتقلقي عليا ليه ؟!
رفعت ماس عيناها إليه و أجابت بعفويتها المحببه لقلبه
:  لازم اقلق عليك .... ... انت جوزي ....ومش بس جوزي....انت حبيبي والراجل اللي فضلت احبه ٣ سنين
هل خرج قلبه من موضعه الان بينما تقول له تلك الكلمات ...؟!
لمعت عيناه بالحب تجاهها بينما اختصرت ما بقلبها ببضع كلمات عفويه ضربت قلبه مباشرة ....
هزت ماس كتفها وتابعت :  اكيد هقلق هو انا لاقياك في كيس شيبسي مثلا ولا كسبتك في عرض  !!!
هل ضاع سحر اللحظه بعد ما نطقت به اخيرا
قراءه ممتعه بقلم رونا فؤاد
ايه رايكم وتوقعاتكم