قيد من ذهب

اقتباس

مساء الفل عليكم ..... ان شاء الله الفصل ينزل قبل الخميس ....
تغيرت ملامح جاسر ولم ينكر نظرته المحتقنه الي ماس التي لا تتردد لحظه في إقحام نفسها بأي مشكله ليقول بهدوء مصطنع لياسمين : حاضر يا ياسمين انا حالا هتصل بصالح يجي يفتح الباب ومفيش داعي نكسر الباب
زمت ماس شفتيها بحنق وجذبت هاتفها من يده : انت بتتدخل ليه اصلا
رفع جاسر حاجبه : انا اللي بتدخل ليه ولا انتي .... هتكسري الباب بأي حق ....ايييه مفيش تفكير خالص ...فاكره كده بتحلي الموضوع ولا بتعقديه زياده
احتقن وجهه ماس بالغضب : فاكره اللي افتكره وانت مالك افكر ازاي اصلا
هتف جاسر بتحذير من بين أسنانه : ماس خدي بالك من كلامك انا كل ده ساكت علي نمردتك
انزعجت كل ملامحها : انا نمروده
اوما جاسر : اه وزي ما بتقولي عني بغلط و مش بسمع انتي كمان بتغلطي ومش بتسمعي الا صوت دماغك
استغرب صالح هذا النقاش أمام منزله : جاسر ....في ايه!.
تنهد جاسر وأشار إلي ماس : مفيش ...ماس كانت جايه تزور ياسمين
نظرت له ماس باستنكار ....وهل هي بحاجه لمن يدافع عنها لتقول بتمرد قاصده :  لا مش ده اللي حصل .....انا جايه اخد ياسمين من هنا ..!!
استنكرت ملامح صالح : تاخديها ؟!
أومات ماس بثبات وهي تهاجم صالح بنبره حاده : اه اخدها ولا فاكرها هتفضل جاريه عندك تتجوز عليها وتكذب كمان وهي ترضي
انزعجت ملامح جاسر بشده من هجومها الغير مدورس علي صالح الذي نظر إلي جاسر وهو يتمالك نفسه من الرد إكراما لصديقه ليجذب جاسر ذراع ماس هاتفا من بين أسنانه :  ماس تعالي معايا
نزعت ذراعها من يده هاتفه بغضب : مش جايه انا مش همشي الا مع ياسمين
افلت لسان جاسر بحنق : وانتي مالك ؟!
نظرت له بتحدي : هي طلبت مني
حاول جاسر  أثناء عنادها بينما وجدت ماس ما تفرغ به شحنتها السلبيه : هما هيحلوا مشكلتهم تعالي معايا
هزت راسها بعناد : قولت لا
قراءه ممتعه بقلم رونا فؤاد
ايه رايكم في موقف ماس ....ياسمين هتعمل ايه مع صالح
انتوا مع تدخل ماس بناء علي رغبه ياسمين وده هيأثر علي علاقه جاسر بصالح ولا لا
دمتم سالمين