قيد من ذهب

اقتباس

كل سنه وانتوا طيبين ....البارت أن شاء الله قريبا بس في كلمتين مهمين حابه اتكلم معاكم فيهم ....
بالنسبه لكتير منكم شايف تطبيق دريمي صعب انا فكرت وارضاء للجميع عملت مدونه علي بلوجر عشان انزل عليها الروايات ....اعتقد ده حل مرضي للجميع عشان مفيش مقابل مادي ....ايه رايكم ؟!
كده الروايات هتنزل واتباد ومدونه وجروب فيس ودريمي وليكم حريه الاختيار .....
انا زيكم جديده في موضوع المدونه هنزل ليكم اللينك علي صفحتي اعتقد كل المطلوب انكم تاخدو اللينك وتضغطوا عليه ....
لو هيكون في تفضيل معين انا لسه مقررتوش هو أن البارت ممكن ينزل بدري علي المدونه قبل واتباد أو جروب بيوم علي الاكتر وهينزل في ميعاده علي واتباد والجروب الي انتهاء الروايه اللي أن شاء تخلص اعتقد في رمضان وكل سنه وانتو طيبين ....هسيب اللينك هنا وعلي صفحتي وفي الجروب ♥️♥️♥️
(ronafoaud.blogspot.com) اللينك

الاقتباس

: هي مين
هزت فيروز كتفها : تهاني
رفع مهران حاجبه : تهاني حاف ؟!
ارتسمت ابتسامه ساخره علي شفاه فيروز الغاضبه : لا تهاني بالحشو ....نظر لها مهران بتمهل بانتظار المزيد بينما يقول :  كان عندها حق في ايه تهاني ...؟!
هزت راسها : انك كل شويه بتسافر
تنهد مهران قائلا : وماله ....زهقان بفك شويه مع صحابي.
انفلتت الكلمات من شفاه فيروز : اعرف الرجاله لما بتزهق بتنزل القهوة مش بتروح اسكندريه
ضحك مهران قائلا : اعتبريها القهوة وعديها انا من امبارح في النكد ده
زفرت فيروز بغيظ : قصدك ايه بنكد
رفع مهران يداه بسرعه : مش قصدي اي حاجة
أومات فيروز : طيب ماعلينا انت هتسافر وتسيبني
عقد حاجبيها بقلق : ليه في حاجه ؟!
هزت فيروز راسها : اه افرض تهاني ضايقتني
قلب مهران عيناه بملل ولكنه تحامل علي نفسه ليقول برفق : معلش عديها بجميله عليا وانا هتصرف لو ضايقتك
أمسكت فيروز ابتسامتها بينما كانت الوحيده بجداره من استطاعت إخراجه عن طوره الهاديء لتتابع بدلال وتمهل :  معرفش إذا كنت هعرف امسك اعصابي
قال مهران ضاحكا : لا امسكيها عشان خاطري
نظر لها وتابع بمكر : ولا ماليش خاطر عندك
احمر وجهه فيروز التي تهربت من سؤاله وهي تقول بسرعه :  خدني معاك
نظر لها مهران باستفهاك : ايه
هزت كتفها : فيها ايه .....هروح اشوف  ماس
: وهي ماس دي مش عندها حاجات تشغلها
: هتصل بيها وأشوف فاضيه ولا لا
تنهد مهران قائلا بمكر : طيب ولو اخدتك هنكمل موضوع تهاني في السكه الطويله دي ولا هنتكلم في حاجه تانيه
نظرت له فيروز بعدم فهم : معرفش
هز مهران رأسه وتابع بمكر وهو يقترب منها : 
لا قوليلي عشان اعمل حسابي
: ازاي
: لو نكد اخد فلاشه اغاني النكد عشان عليها كام اغنيه نكد حلوين اوي ..... إنما لو حاجه تانيه أخذ الفلاشه التانيه
احمر وجهه فيروز التي انفلتت ابتسامتها الخجوله دون إرادتها لابعد عيناها عن عيناه سريعا بينما تقول بتعلثم ممزوج بخجلها : يعني .... بلاش نكد في الطريق
ارتسمت ابتسامه علي شفاه مهران الذي قال : عاقله ياست البنات ...!!

......

غص حلق جاسر بقوة بينما يتابع وهو بقوة يكبح نفسه من ضمها إليه بينما غالبه اشتياقه لها منذ الآن واشعل لهيب بقلبه ليقول بصوت حاول قدر استطاعته ان يكون ثابتا :: خدي بالك من نفسك....مالك هيعدي ياخدك كمان كام ساعه
أومات ماس وظلت واقفه مكانها تنظر اليه بعيون ملئها العتاب فكيف سيتركها ويبتعد
تابع جاسر وعيناه تحاول الهروب من عيونها : ماس نظرت له ليقول بصوت حنون وقلبه متمزق حرفيا فهي صغيرته التي سيتركها بعد أن اعتاد وجودها بحياته : متسوقيش لو الجو مطر عشان مش هتعرفي تتحكمي في العربيه ابقي خلي محمود يوصلك أو خدي تاكسي
.....متعبييش نفسك وكلي عشان انتي بتكبري دماغك وتفضلي طول اليوم من غير اكل .....كلي خضار وحاجات مفيده مش مكرونه بس
....بلاش تتقلي في القهوة والسهر ولا تطلعي السلم بسرعه عشان بتتكعبلي
لمعت الدموع في عيونها دون إرادتها بينما يتابع كل تفاصيلها التي يحفظها عن ظهر قلب ولكنه أغفل اهم تفصيل وهو أنها لا تستطيع الابتعاد عنه ...!!
انحني يحمل حقيبته ليتجه الي الباب ولكن أوقفه صوتها : جاسر
التفت لها قائلا : نعم
نظرت إلي عيناه بعتاب : مش هتاخدني في حضنك قبل ما تسافر
هز جاسر رأسه بينما هذا اخر ما سيفعله والا لن يخرجها من بين ذراعيه ليقول بنبره حاول أن تكون حازمه : لا
رفعت ماس حاجبها مردده : لا
اكتفي بهز رأسه لتساله وهي تنظر في عيناه :
ليه ؟!
هل يخبرها أن كل إرادته ستتحطم أن بقي دقيقه أخري امامها ....هل يخبرها أنه لايستطيع الابتعاد عنها هل يخبرها أنه كره عدم قدرته علي اظهار مشاعره مثلما تفعل هي حتي ولو بالدموع ليبتلع غصه حلقه القويه قائلا وهو يستدير : سلام ياماسه كلميني طمنيني عليكي لما توصلي عند مامتك وانا اول إجازة هتلاقيني قدامك
اتجه الي الباب ولكن عاد صوتها ليوقفه : جاسر
التفت اليها لتتجه إليه بخطوات متمهله وهي تتطلع إليه بعتاب
قالته بصوت ممزوج بالدموع : هتقدر تسافر من غيري
صمت وهو يريد أن يختفي من امامها فهو بالكاد يسيطر علي إرادته بينما هي من إرادت وهو امتثل لرغبتها علي مضض ولكنه لايستطيع أن يضغط عليها برغبتها أن تكون معه ...
لامست يداها يداه وهي تتوقف أمامه لتنفلت قبضته عن حقيبته فترفع ماس عيونها إليه قبل أن تنطق ببطء 
وهي تقول كلماتها لتري وقعها علي ملامحه : ادخل هات شنطتي ونزلها علي ما اجهز
نظر لها بعدم تصديق لتنظر له بعتاب :  لو انت متخيل اني اقدر ابعد عنك تبقي غلطان  ....!!
.......

تسارعت انفاس ياسمين حينما اقترب زياد بخطوات متمهله منها لتهدر وهي تحاول أن تستمد قوتها وتواجهه بها بينما تقول : هددته بأيه ؟!
هز زياد رأسه بهدوء قائلا : مهددتش بأي حاجه ....التوت شفتاه بابتسامه ماكرة بينما يتابع : انتي طيبه زي ما انتي ياحبيتي مش عارفه تقري الناس
هو اللي كلب فلوس طول عمره
تراجعت ياسمين خطوة للخلف هاتفه :
ابعد عني
قال زياد بنبره قاطعه : مقدرش .....نظر إليها وتابع بإصرار مريض علي عشق تملك منه وانهكه ....ياسمين ... انا مش هقدر ابعد عنك وهو كمان مش هيقدر يبعد عنك وكل واحد فينا هيحارب التاني للنهايه ....!! عاوزة تقفي بينا وتشوفي مين هيجيب نهايه التاني الاول ..؟!

قراءه ممتعه بقلم رونا فؤاد
الي اللقاء في البارت القادم قريبا