قيد من ذهب

اقتباس

فركت ماس يدها قليلا بينما ابتسم لها ذلك الشاب يطمئنها قائلا ؛
متقلقيش الموضوع سهل
ابتسمت قائله : هو انا عندي فكرة.... بس يعني مسوقتش لوحدي قبل كدة
ابتسم مجددا وهو يفتح لها باب السيارة : متقلقيش
صرير سيارة قوي جعل قلبها يتنفض كما انتفض الشاب من جوارها ....
: انزلي.....
كان هذا صوته الصارم بينما فتح باب السياره التي لم تتحرك من مكانها
حاول الشاب التحدث ولكن نظره جاسر الساخطة اخرسته
فهو لن يدخل مع هذا الحائط البشري بخناق
...زمجر جاسر بغضب اعماه لمجرد  أنها برفقة شاب وحدها بالسيارة ....
اعترضت ماس وهو يسحبها من ذراعها :
انت ايه اللي بتعمله ده.....؟!
زمجر بغضب وهو يدفعها الي سيارته : ششش مش عاوزو اسمع صوتك
هتفت بغضب شديد متمرده : هو اية اللي مش عاوز اسمع صوتك لا هتكلم وبراحتي كمان
أوقف السيارة والتفت لها بغضب هاتفا : انتي ازاي تركبي عربيه لوحدك مع واحد متعرفيهوش
رفعت حاجبها باستنكار لكلماته :  عربيه اية.... ولوحدي اية ...
انا بتعلم السواقة مش خارجة معاه
تهكم ساخرا :  والله
أومات بحنق شديد وهي ترفع إصبعها بوجهه  : اه... وقلتلك قبل كدة اسلوبك الهمجي ده تبطله انا  خارجة بعلم بابا اتعلم السواق
زم شفتيه وضرب المقود بيده هاتفا بانفعال ... والبأف اللي قدامك مالوش وجود ولا لازمه
قالت بعصبيه :  جاسر لو سمحت بلاش الكلام ده
التوت شفتيه بتهكم قائلا : امال عاوزاني اقول اية
آلتف لها بكامل جسده وتابع باتهام : هو ده اللي مبقاش عاجبك فيا....عاوزاني اسيبك تروحي وتجي علي مزاجك تلبسي اللبس اللي يعجبك وكل الرجال تبص عليكي
نظر لها باستخفاف وتابع ساخرا : هي دي شخصيتك الجديده ...
احتقن وجهها بالغضب : ده اللي بس فهمته من كلامي
تابع سخريته : هو كلامك له معني تاني
أومات بإصرار : ايوة......كلامي معناه  انك تحترم رايي
صرخ بها بصوت جهوري اخافها :  في ايييييية..... رايك
في اني ابقي طرطور ولا اني ماليش أي حكم عليكي و اني افضل اقابلك في السر واخون علاقتي بصاحبي
اغمضت عيناها بينما امتزجت كل المشاكل ببعضها ولا سبيل لحل كل عقده بمفردها
ازدادت حده نبرته بينما تابع : اية الصح في اي حاجة بقيتي بتقولها وبتعمليها دلوقتي ....ايه اللي مخليني مكمل معاكي وانا مش بسمع من كلامك الا شخصيتي ورأيي .....احتدت نظراته وتابع إلقاء التهم :  تلت سنين وانا بطلب منك نتجوز وانتي بتأجلي بأي حجة... لغاية ما لقيت نفسي مش راجل عنده ٣٠سنه لا عيل بيقابل البنت اللي بيحبها في السر من ورا أهلها
حاولت الدفاع عن نفسها : مش حجج
هتف بإصرار : لا حجج.....نظر إليها وتابع بحزم :
حجج وخلاص مبقتش عاوز اسمعها
قبل ماتنزلي من العربيه هتكوني واخده قرارك .... اما هتكوني موافقة اجي بكرة اخطبك اما هتكوني موافقه انك تكوني اخت صاحبي وجوز اختي وبس
حاولت التحدث بينما حسم الأمر بهذا القرار : جاسر الموضوع مش بيتاخد كدة
هتف بنبرة قاطعه : 
انتهي ياماس.... اختاري
حاولت اكتساب الوقت بتحاول انتشال رأيها من وسط تفكيرها المبعثر : انت زي عادتك بتضغط عليا
رفع حاجبه وزم شفتيه حتي كاد يسحق أسنانه أسفلها...
بينما تكمل : طبعا انت واخد قرارك وانا ماليش رأي
لم يتزحزح ولم يقل كلمه بينما القي بقراره لتكمل ساخره
انت اتعودت انك لوحدك صاحب القرار....امال لما نتجوز هتعمل اية؟!

ظلت تهذي وتهذي وهو صامت دون قول شيء حتي أوقف السيارة امام منزلها ومعها توقف سيل كلماتها لتنظر اليه فتجده جامد كالصخر بارد كلوح ثلج
قال دون أن ينظر إليها  : قرارك ؟!
ابتعلت لعابها تنظر له دون قول شيء لترتسم ابتسامه ساخره علي شفتيه قائلا :
واضح انك مش محتاجه تقرري ...
: محتاجه وقت
رفع حاجبه ومازالت نبرته الساخرة هي المسيطرة ليقول :  اي واحدة مكانك المفروض تكون مستنيه تتجوز الراجل اللي المفروض بتحبه من ٣ سنين ...إنما انتي لسه محتاجه وقت ....للاسف انا مبقاش عندي وقت ليكي اكتر من كدة