قيد من ذهب

خارج النص

خارج الموضوع ....تعليق ورأي شخصي عن موجه الانتقادات الموجهة الي فيلم اصحاب ولا اعز
حاله المجتمع التي أصبحت يرثي لها ده بسبب انهيار اهم قوامين من قوامه المجتمع ..التعليم وقبله التربيه والفن
لما نشوف مجتمع زمان اللي وصل لينا عن طريق أفلامه ومسلسلاته هنشوف القيم اللي نشأ جيلنا عليها الحرام الغلط والأهم كلمه ميصحش اللي انتهت من قاموسنا .....انا جيل تمانينات وحاليا ام وزوجه وانسانه بنسبه كبيرة معتدله في تفكيري وفي حياتي نشأت وسط مجتمع مينفعش فيه حاجات كتير ومش معني كدة اني كنت مقيده بالعكس كنت غير محجبه لوقت طويل ولكن كان اللبس ملائم ليا وللتربيه اللي نشأت عليها في لبس للخروج وللجامعه وللمناسبات في وقت الخروج في أصحاب شباب كل ده موجود ولكن مكنش بالقرف واسفه للتعبير الموجود حاليا حرام الفن يصدر لبنات وشباب صغيرين أن ده الحلو والصح ولمدة هيكونوا شباب (روشين) معرفش حاليا بيسموهم ايه
ده مش وسطنا ولا مجتمعنا ...لينا زملاء وأصدقاء شباب والعكس ولكن مش بالانفتاح ده ....مينفعش قدام زوجي اتكلم كدة ولا قدام اهلي ....مينفعش نصدر الزوج ال x لارج عشان البنات تشوف الزوج اللي بيغار أنه خانق لها وموضه قديمه ......بجد كميه قرف غير عاديه واقولكم حاجه ياريت قرف له فايده ولا نفع ..بنخرج من الفيلم مش فاهمين عاوز يقول لينا ايه .....بجد الجيل اللي ناشيء مظلوم عشان كميه الأفكار المتصدره له غلط ومفيش اي توجيه من الأهل .....الفن شيء المفروض يسمو بالروح والأخلاق ....لما بنت تقرء روايه رومانسيه وتحلم بفارس الاحلام هتشمئز من علاقه سطيحه لشاب بلا هويه .....الراجل لما يبطل يكون راجل بمعني الكلمه ويجري وراء موضه فارغه لازم نقوله أنك كدة غلط ومحدش هيعجب بيك ....فين الاحلام بالمستقبل فين الراجل اللي بيحلم يبقي شيء مهم ...فين البنات اللي كانت تفرح بكلمه بنتك متربيه .....للاسف الزمن بينحندر لأننا بنجري وراء تقليد اعمي حتي قصه الفيلم مفيهاش جديد واتقدمت في افلام اجنبيه كتير فأحنا استفدنا ايه ..... ؟! اسفاف بلا معني ....تصدير نماذج مشوهه بلا اخلاق ولا قيم علي أنهم نماذج يحتذي بها
انا نفسي البنات اللي بتتابعني بجد يكون عندها نضج في تفكيرها وترفض ده شكلا وموضوعا .....متقلديش حد وكوني نفسك هتنجحي ......في وقت في عمرنا أن شاء الله للدراسه ثم العمل ثم الحياه والأصدقاء .....ادرسي وانجحي البسي شيك مش عشان تلفتي نظر حد البسي اللي لائق عليكي .....انجحي ثم انجحي
لو لسه صغيرة خططي لحياتك ولو ام خططي لحياتك مع حياه ولادك ربيهم عشان يطلعوا نماذج مشرفه ...... كونوا صداقات بس صداقات بجد مش بالمصلحه والغدر والكلام علي بعض ...... اسمو بكلمه انسان .....خلونا نرجع الرقي لحياتنا وشخصياتنا ومجتمعنا
الرقي مش لبس ولا مظاهر الرقي اخلاق ......!!
الاخلاق مش موضه قديمه ......
أقروا روايات هادفه ...اتفرجوا علي سينما وتلفزيون هادف اسمعوا اغاني راقيه .....#احنا مش كدة
احنا شعب راقي ولكن من يقوده ضل به الطريق
خلونا نثبت اننا مش مغيبيبن وراضين بالطريق الفاسد المرسوم لينا من أشباه الممثلين والروايئن والنقاد
طولت عليكم بس حبيت اعبر عن استيائي من موجه الانحدار اللي عايشين فيها واللي أنشأت جيل TikTok و YouTube والحاجات الغريبه اللي بنشوفها