صباح الفل ...كل سنه وانتوا طيبين ....اقتباس خفيف وواضح من الاقتباسات اللي فاتت محاوله صالح وجاسر لمصالحه ياسمين وماس
هز جاسر رأسه ونظر الي مهران قائلا : لا بقي ماهو انت هتوافق يعني هتوافق
رفع مهران حاجبه : وده ليه ؟!
هز جاسر كتفه : وترفض ليه يا سيدي .... الواد انا اضمنه برقبتي
تدخل صالح بلهفه : وانا هضمنه من جاسر
اشار لهم مهران بخبث : وانا مش رافض الواد انا رافض الوقت
هز جاسر رأسه سريعا : خير البر عاجله
اوما صالح موافقا : طبعا.... وبعدين انت متشغلش بالك بأي حاجه ....انا وجاسر هنقف نظبط كل حاجه للفرح
هب مهران واقفا : فرح كمان .....احنا لسه بنتفق !
هز جاسر رأسه في محاوله لاقناع مهران التي أخذها هو وصالح سبب لرؤيه الفتيات
:اتفاق ايه ....محمود ده بقولك هضمنه برقبتي واعتبر اي شروط ليكم اتنفذت
اوما صالح قائلا : ولو متنفذتش ...احنا هنفذها ...مش كده ياجاسر
اوما جاسر سريعا لينفجر مهران ضاحكا ....اه منك انت وهو يا بووووي ...التفت الي صالح قائلا : طيب هي اخت العريس واكيد جايه ...انت بقي ضامن منين أنها تيجي
قال صالح بثقه : ماهو انت هتخلي مراتك تصمم تعزمها
رفع مهران حاجبه وهز رأسه : وانتوا فاكرين حاجه هتتغير برضه
ضيق جاسر عيناه بوعيد مبطن لإنهاء البعد بينهم الذي انهكه : كل حاجه هتتغير ....يا انا يا دماغها الناشفه .... نظر إلي مهران وتابع بمغزي خفي : انت بس هتشغل مالك عنها وانا هكمل الباقي
ابتسم صالح لجاسر وغمز بشقاوة وهو يفكر في تنفيذ خطته بالاستفراد بالفتيات بعد تلك الحصانه التي حاوطت ماس وياسمين تجاههم
قرءاه ممتعه بقلم رونا فؤاد
أنت تقرأ
قيد من ذهب
Romanceتحبه بجنون ولكن اتحب قيوده حتي وان كانت من ذهب...! انه البريق الذي لايقاوم....!! انه القيد الذي نخطو اليه بكامل إرادتنا بينما بريقه اللامع يكون هو كل مايسيطر علينا.... انه القيد الذهبي...! اقتباس..... (هدر بانفعال : انا كدة ياماس ومش هتغير تقبليني...
