قيد من ذهب

اقتباس

نادي مهران بصوت عالي لتركض إليه ذكيه : نعم يامهران بيه
قال مهران : بنت ياذكيه نادي علي الست تهاني
ركضت الفتاه وبعد قليل كانت تهاني تقف أمام مهران بملامح وجهه غير راضيه لتقول باقتضاب :
خير يامهران
نظر لها مهران بوجهه خالي من التعابير لحظه ثم قال ببرود : وحياتك يامرات عمي ابعتي شبكه فيروز
تجمدت الدماء في عروق تهاني لتقول بتعلثم واضح مهما حاولت أن تبدو ثابته أمام سؤاله :  شبكه....!!
شبكه ايه ؟!
تابع مهران بهدوء وهو يشير لفيروز التي وقفت مكانها تحاول فهم ما يدور برأسه : شبكتها
قالت تهاني سريعا بهجوم : وانا مالي ومال شبكتها ماهي قدامك اسألها
فتحت فيروز فمها لتتحدث ولكن تلك المرة اخرستها نظرات مهران وحزم كلماته بينما قال بنفس الهدوء : سألتها وقالت إنها اديتها ليكي
اتسعت عيون فيروز وكذلك تهاني التي بهتت ملامح وجهها من ذلك الرجل الذي لا يمكن التنبؤ بتصرفاته لتنظر فيروز إليه وتري كم هو هاديء بارد ولكنها تري  بنفس الوقت تأثير هدوءه وبروده علي تهاني
التي قالت بنبره صوت عاليه لتقلب الطاوله علي فيروز
  :  اديتهالي ...؟! وهي هتديني شبكتها ليه يامهران ...
ماهي واقفه قدامك تكذبني وتقول اخدتها منها امتي ....
بنفس ملامح الوجهه الخاليه كان مهران يستقبل كلمات تهاني ليقول اخيرا بهدوء شديد :
مرت عمي قصري في الحديث وهاتي الشبكه انا مسألتكيش عن حاجه تانيه
نظرت تهاني بغل الي فيروز التي لأول مره تري الصمت طريق لها بينما مهران بكامل كلماته القليله وصل إلي هدفه وأصابه لتجد تهاني تتمسك بكذبها
وهي تقول  : خليها تشوفها في دولابها
اوما مهران ببرود وأشار لفيروز الواقفه تتابع ما يحدث :  شوفي يافيروز الشبكه في الدولاب
نظرت إليه فيروز بتردد ...فهل يصدق كلام تلك المراه...؟!  ليهز مهران رأسه بحزم أن تنفذ ما قاله
فتحت فيروز أحدي جوانب الخزانه ثم فتحت ضلفه أخري لتتفاجيء بتلك العلب موضوعه بأحد الجوانب
تهلل وجهه تهاني لتنظر الي فيروز بشماته ثم تواجه مهران بعيون واثقه : شوفت اهو شبكتها في دولابها ....!!
قراءه ممتعه بقلم رونا فؤاد.  ...... ياريت نقرأ الكلمتين دول .....👇👇👇
(كلمتين مهمين .....مع قله التفاعل علي الروايه انا قررت ان الفصل اللي فات هيكون اخر فصل ينزل سواء واتباد أو جروب الفيس وقبل اي حاجه اكيد مش قاصده اضايق حد بالفعل متابع ولكن زي ما تطبيق واتباد مجاني وبيستفيد مني جدا ومن غيري وكمان الفيس وبرضه انتوا بتقروا يبقي انا كمان لازم اشوف الصح ليا وللروايه اللي للاسف مع كل فصل اشوف عدد الفوتس والتعليقات بالطريقه دي .....مشغولين اوك كلنا مشغولين وانا أولكم بس هو الفوت أو اللايك بياخد كام ساعه ...🤔🤔اعتقد كتير اوي  مش مجرد ضغطه علي الشاشه ....
طالما الروايه مش عجباكم وصعب اوي اللالف اللي بيقرأو يقدر حتي نصف العدد ويعمل فوت يبقي انا اسفه و
عموما انا أن شاء الله هعمل الروايه علي تطبيق دريمي وهتكون بدون مقابل عشان اللي بيسأل
علي الاقل اللي متابعني هناك بيتعب عشان يوصل
ارجو يكون في تفهم للموضوع اللي فعلا مستفز بدرجه لا توصف ...ادخلوا كل فصل شوفوا كام الف قرأ وكام حد علق أو عمل فوت أو لايك ...جروب الفيس عندي ١٦ الف معقول بس ٤٠٠ لايك ...اعتقد الموضوع غير مرضي
واعتقد برضه أن هلاقي هجوم وتعليق احنا ذنبنا ايه بنتفاعل ....علي عيني وراسي
بس اعتقد الأغلب حتي مش نصف العدد مش بيتفاعل يبقي اكمل ليه ......هسيب ليكم الاجابه علي السؤال )
دمتم سالمين ...