قيد من ذهب

خارج النص

مساء الفل عليكم .....
من خلال تطرقي لموضوع البنت الانفلونسينسر أو البلوجر أو اليوتيوبر أو أي أن يكون اسمها كان مش اكتر من صرخه اعتراض ونقد دايما في مناقشاتي اليوميه بتطرق ليها وانا بشوف الوضع الحالي وانا زيي زي كلنا ماسكين التليفونات وبنشوف ناس غريبه وفيديوهات غريبه جدا عن مجتمعنا واي أن يكون المحتوي المقدم منهم مش ده بيكون نقدي صراحه ولكن نقدي بيكون لطريقه استقبال مجتمعنا للظاهرة الغريبه اللي تفشت تقريبا اخر سنتين بقوة ...ايه بقي النقد ؟!
التفخيم الزائد والتعريف المبالغ فيه لناس حقيقه مش بتقدم شيء يستحق هذا ...يعني ايه انفلونسر أو بلوجر كل شغلتها تورينا موضه أو خلافه أو محتوي صفيق لايرقي لقيم مجتمعنا والأشد خطورة هو وقعها علي الجيل الصغير ..حاجه محزنه فعلا رؤيتي ل٨٠٪ من بنات وشباب دلوقتي بأذهان فارغه بتجري ورا اشياء تافهه بخلاف مثلا الأكبر سنا اللي بيشاهد فقط للترفيه. وده الفرق الخطير ....زمان كان الفنان أو الممثل أو المغني كان يسمي ارتيست وكان له طبقه معينه في المجتمع كان عارف وضعه ومكانش يجروء يتغني بألقاب أنه نجم مجتمع زي دلوقتي اللي للاسف احنا اللي عملنا ليهم قيمه ... مش بقول أنهم وحشين أو او لا بقول أن شغلتهم ترفيهيه ليس أكثر فالمغروض منعملش ليهم قيمه اكتر من كده .....الراقصه أو الممثله زمان كانت الناس بتعرفها سرا والمجتمع كان يخفي علاقته بيها وحتي عائلتهم كانت اوقات تتبريء منهم عكس دلوقتي بنجيب اي شيء غريب قالع وپأسف طبعا الكلمه بس ده الواقع ونقول عليها نجمه ونطلعها في برامج ...انا مش بلوم مشاهد ولكن بلوم مجتمع كامل وافق أن دول يكونوا بيعبروا عننا ونقول عنهم نجوم وأولادنا يقلدوهم .....ايه اللي حصل واللي بقينا بنشوفه من بنات واولاد صغيرين ومراهقين علي تيك توك او غيرة من تطبيقات ...مين دول ...ايه وظيفه شاب قاعد يلعب والولاد الصغيرين تتابعه وبنت ترقص علي اغنيه ونقول الله ....طيب في كبار بيعرفوا يفرقوا بس ذنب الجيل الجديد ايه .....فين الأهالي من شيء زي ده .....ايه العادي في راجل يطلع مع مراته في فيديو اي أن يكون ....يا بنات فين الرجوله اللي كنا بنتغني بيها عن الراحل الشرقي ....ايه ياابهات وياامهات ازاي بنتك تطلع بالمنظر ده ....حاجه مرعبه جدا والله ...ايه الموضه العجيبه في لبس الولاد والبنات وتسريحات شعر الولاد الغريبه ....دي مش موضه ابدا دي حاجه مقززة بجد ...وتقليد اعمي وخلاص ...الموضه أو بمعني اصح الشياكه لانه الموضه معناها حاجه تطلع وتختفي إنما الشياكه والاناقه هي اني البس شيء يليق عليا تماما واسع بقي ضيق قصير طويل المهم أنه شيء لائق بيا وبتفكيري وشخصيتي ....ايه الرجوله في ولد شعره معرفش ازاي وبنطلون ضيق ....اييييه هنروح فين اكتر من كده ....بصراحه لو هجيب امثله فأنا من فتخ كنت بشوف تقريبا برنامج فاشون مش فاكرة اسمه المهم كان ايلي صعب موجود فيه الراجل ده بجد بشوفه دايما انيق جدا ومتلزم بلبس راجل يعني بدله شيك غير مبالغ فيها عكس مثلا هاني البحيري ايه الموضه العجيبه دي وفي ولد عجيب اسمه حاجه كوجاك معرفش شكله ولبسه بشع بالنسبه ليا المخيف بقي اننا مش بنقول أنه غريب لا الله بنجري نقلده ....لا مش ده مجتمعنا والله الشياكه مش طرقعه وخلاص الشياكه تظل موضه لا تنتهي زي مثلا مقدمه برنامج top chef فظيعه انيقه للغايه ولبسها رائع عكس فنانات المهرجانات اللي مش هقول قالعه بس هقول اصلا ياريت حتي بعد القلع شيك بالعكس مجرد مبتذله ....فاكرين فيلم pretty woman ازاي كانت كل الناس شايفه أنها مبتذله ومنتقدين لبسها حتي أن المحل رفض يبيع ليها ولما ارتقت لبست لبس شيك مش هقول محترم عشان متقولش اني متزمته بالعكس أنا بحب اللبس جدا ويظهر بمظهر لائق ..... بجد المجتمع يسير الي هاويه لأن الأجيال اللي طالعه حاليا وهتكون امهات وابهات بالمنظر ده ....فين الإرشاد والنصح ...... الغريب أن كل ده عشان المقابل المادي الرهيب ...اه الفلوس حلوة مفيش كلام بس ليه اطلع ابني ولا بنتي بدون شخصيه ولا دين ولا خلق لمجرد أنه يجيب فلوس ...لا أعلمه أن الفلوس بتيجي بالشغل والاجتهاد ...اينعم بصعوبه بس ده الصح ...فين الخوف من ربنا ....للاسف مفجع كميه موت الشباب والفجاه ربنا يحمينا ويرحمنا برحمته ..... لازم نتكاتف ونواجه الظاهرة الغريبه عننا مش نشجعهم ..... الناس دي عملت فلوس مننا ومن متابعتنا ومن استغلال الاطفال والمراهقين اللي مش فاهمين حاجه والأهل ليهم الدور الأكبر .... فين احترام الاب والام ... فين وقت الصلاه .. فين البنت اللي مكنش ينفع تحط مكياج الا لما تدخل الجامعه وكمان علي خفيف ....
الريس كان بيقول هو احنا محتاجين حد يعلمنا الطبخ والله عنده حق ....مفيش حاجه اسمها كده ولا حد يعلمنا نلعب ولا نحط ميكب  ولو هتقولو بيقدموا نصائح هقولك تمام بس كل واحد يعرف دوره في المجتمع مش نفضل نعلي شأن من لاهويه له ونرجع نقول فين المجتمع ....اعمل برنامج مواهب اه واعمل برنامج علوم مش كل الناس هتطلع تغني .....ليه حمو ولا معرفش اسمها ايه تطلع تقولك بيتي الجديد وجوزي اتخانقت معاه ...احنا مالنا .....يا بنات في ناس سابت شغلها وقعدت تقدم يوتيوب وغيره ركضا وراء الربح ....مبقاش في إنتاج عندنا ولا رغبه في التقدم وإنتاج شيء نافع لينا قبل المجتمع ..... نرجع لتوظيف مشهد البنت ...مي بالرغم من كل السوء الي جواها الا انها لو ناخد بالنا من اول الروايه مرجعها الاول والاخير امها وبالتالي كان في نبته صالحه اينعم تعكرت بسموم الغيرة واللي هي بررتها لنفسها أنها مشروعه وحتي رغده نفس الشيء إلا أن الأصل الطيب غالب .....مهما يكون طبعنا لازم يكون لينا اصل طيب يغلب .....في شغلي بقول دايما حاجه ردا طبعا علي كميه الخوازيق حوالينا واني اكيد مش ملاك بس بقول ايه شيء طبيعي كلما عاوزين مصلحتنا بس اوعي في يوم عشان مصلحتك تدوسي علي حد ...هو ده الشعره مش مثاليه انك تتخلي عن صالحك لا بالعكس بس الفكره في هتدوسي علي ايه عشان مصلحتك ....الطيب بيقعد ومقوله خيرا نعمل سرا تلقي خليها خيرا نعمل خيرا تلقي لأن من يعمل مننا مثال ذره من خير يري ..... تعالوا ننضف نفسنا بعقلنا وتفكيرنا وشخصياتنا وحتي مظهرنا ....نرتقي بكل شيء
البسي وخليكي شيك ولكن دون ابتذال أو تقليد ...خليك ولد برنس وشيك بس بلاش قرف اللبس العجيب مفيش ولد بيلبس بنطلون احمر ولا ضيق ولا حتي جلد والله ياابني ... نضفي عقلك اعملي لنفسك هوايه ...متحاوليش تكبري نفسك بدري بارتباط ولا مكياج لانك كده كده هتكبري ..عيشي كل مرحله ...ثانوي ده لعب ومذاكرة  وشقاوة مش ولاد ولا ارتباط ولا مكياج بشع ...مش عاوزة اقول اعدادي لاني بشوف العبر والله .  الكليه دي متعه الخروج والشقاوة والمذاكرة برضه وبعدها تدريب وشغل واستقلال وبعدها يجي الارتباط والمسؤوليه .....في أغلب رواياتي وضحت أن الارتباط مش العالم بالعكس العالم جميل يابنات استمتعي بيه ...صاحبي بنات راقيه بلاش موقع بين بعض ولا نتكلم علي بعض خليكي شجاعه وجريئه بدون تجريح واللي يضايقك عاتبيه علي قدر الغلاوة .... وانت ياابني لو بنت وحشه متجريش وراها وتقول بحبها سيبها لحالها وحتي متتكلمش عنها لأن زي ما احنا شايفين موضوع نيرة اي أن يكون سلوكها حرام نتكلم عنها ونبرر انها مش كويسه عشان قاتل اللي هو كان اعظم انتصار له أنه يبعد عنها طالما هي مش كويسه زي ما بيقول ...ياجماعه كويسه وحشه لنفسها .....خلينا في حالنا وكفايه نقد جارح ولاذع لحد ميخصناش.....ايه كلما بقينا قضاه وجلادين ...دي وحشه ودي حياتها متستهالهاش ودي ازاي ده يحبها ودي ازاي تلاقي شغل ودي نضفت. ودي احلوت. دي اتجوزت ودي خلفت ودي حامل .....احنا مالنا ....بجد كفايه ...ده سوء خلق وسوء طبع ......نفسي امسك مايك. واقول كده ...عرفوا كل واحد مكانته في المجتمع ...العالم والمهندس والدكتور والمحاسب والراقصه والتافه كل واحد له مكان بلاش نعلي ناس فوق قدرها ونرجع نزعل .....راعوا ربنا في ولادكم ونفسكم .....مفيش مستقبل والله بيتبني علي اوهام وفلوس جت بالطريقه دي ...اعملي قناه وحققي حلمك بس بمحتوي صح مفيد .....انا مجرد هاويه والكتابه مجرد ترفيه وليس هذا عالمي ولا مجتمعي لو كل واحد واجهه نفسه كده هنرتقي .....طولت عليكم يلا مستنيه رايكم ....دمتم سالمين