قيد من ذهب

اقتباس

اولا شكرا لكل تعليقاتكم الحلوة ونفسي ارد عليها كلها وهما دول المتابعين بتوعي مش الالف اللي بتقري وخلاص وانتوا اللي تفهموني وبهتم بيهم وبرايهم وبخاطبهم وبحاول احسن من مستوي روايتي عشانهم وفعلا تطبيق دريمي لو في مشاكل انا اول واحده متضررة والشركه بتحاول تطور من التطبيق وواتباد نفسه اول ما ننزل كان بنفس الطريقه وموضوع الكوينز ده مش مستحيل بمجرد دخولك كل يوم بتاخدي كوينات وكمان قراءه لمدة عشرين دقيقه واكتر بتاخدي بيها كوينز وبنات كتير عملت كدة وفي رويات كتير ليا متاحه بدون مقابل مش محتاجه تروحي مواقع سارقه الروايه وتكون فيها هكر لجهازك عشان تتابعوا ولا لازم طرق ملتويه والتطبيق متاح والجروب وكمان واتباد و روايه ورد فريد متاحه بدون مقابل عشان كل اللي لسه بيقراها
بحبكم وفعلا لما بقول تفاعل مش عشان ريتش زي ما بتقول لأن الريتش عالي ولكن التعليق ده ليا بستني رايكم في الروايه وده خلاني منزلش ورقي لأن هتحرم من متابعه رايكم فضل بفصل ...دمتم سالمين ومتفهمين

بتلك اللحظه ندمت ماس علي اتصالها وأدركت خطاها بتسرعها في مهاتفه والده زوجها بينما ظنتها ستحكم بالعقل لتقول متنهده : لا خلاص .....مش فارق قصدي طالما ده موقف حضرتك ......
عموما انا اسفه اني اتصلت من الاساس
أغلقت ماس الهاتف بحنق بينما اغتاظت من تسرعها ....فكرت أنها امراه حكميه تستمع لها وربما تنصح ابنتها أن تتوقف عن إدخال نفسها كضحيه في حياه الاخرين دوما ....
........وبالفعل كانت مخطأه بينما لم تمر الا دقائق وكانت ماجده اتصل بجاسر ودون أي مقدمات كانت تنفث السموم برأسه بينما تجسدت ماس لها كما صورتها مي دوما ......
: اهي مراتك اللي كنت بتدافع عنها وبتقول ملاك..... بتتصل بيا تسمعني كلمتين ...!!
............
....
تفاجات ماس بعودته بينما لم يكن قد وصل الي عمله .....عقدت حاجبيها وقامت من مكانها تجاهه بقلق : جاسر انت رجعت ليه ...في حاجة ؟!
دون مقدمات كان يسألها : انتي كلمتي ماما
أومات ماس دون تفكير : اه
نظر إليها لتري شحنات غضب تلمع بعيناه وهاهو السبب : كلمتيها ليه ؟!
سمعت كثيرا عن انسياق الزوج خلف كلام والدته ولكن هاهي تعيشه لذا دون تفكير أو حسن اختيار الكلمات كانت تبوح بما في داخلها :
كنت فاكرة أنها زي ماما لما تعرف أن حصلت بيني وبينك مشكله مش هترضي
تهكم جاسر من مغزي كلماتها :
وطلعت شيطانه
اشاحت ماس بوجهها : انا مقولتش كدة
هتف جاسر باحتدام : امال قولتي ايه
هزت كتفها : معرفش اسالها
ازدادت حده نبرته : انا بسألك انتي