آفْرُودِيتْ 🦢

الحلقة الثانية عشر🧚‍♀️

🔸️حلقة 12
🔸️أركان_يحكي:
مديت يدي شوية غزرت لساعة...منحبش نعطل الموعد هذا أكثر من هكا مدامو باش يكون هو موجود زادة أصلا أكثر شي يهمني توا أنو يبدا قريب مني...عالأقل نجم نحدد كل خطواتو الجاية كيما فما إحتمال أكبر إني نوصل لقاتل ولدي و ننه الحساب هذا...خرجت من بيتي نغزرلها قاعدة تطل من الشباك...لتوا مستغرب الهدوء لي هي فيه...خاطر مش بالعادة تسمع الكلام بالطريقة هاذي...تلفتت عندي في لحظة و قربت مني شوية تحكي
إلينا:أنت باش تخرج ؟
أنا:عالأغلب
إلينا:طول برشا ؟
أنا:نظن هكا ترتاح مني...أما مدامك سألت معناها مخك قاعد يخدم توا...هات من الأخير...فاش تخطط ؟
إلينا:حتى شي...مجرد سؤال و كهو...غير هكا مهما كانت الوجهة متاعك...أنت لازمك تهزني معاك
أنا:منظنش المكان باش يكون مناسب ليك
إلينا:و السبب ؟
أنا:خليك هوني لين نرجع و إذا حبيت شي تنجم تطلبو من الخدم لي برا
إلينا:نحب نجي معاك و كهو
أنا:والله معنديش إستعداد باش نخاطر بيك
قربت مني أكثر...وقفت قدامي بالظبط و هزت عينيها في وجهي تحكي
إلينا:علاش...عندك شك لي أنت تنجم تحميني ؟ زيد أنا ميهمنيش برشا شنوة اللي باش يصير...جيست نحب نتعرف على العالم متاعك و كهو
مديت يدي في لحظة...دورتها على ظهرها...جبدتها عندي و لصقتها فيا نحكي
أنا:إنتي بالذات منحبش السواد يتمكن منك إلينا...كيما منحبش نخلق نقطة ضعف ليا مرة أخرى
إلينا:نفهم منك إني وليت نقطة ضعفك ؟
أنا:للأسف هذا اللي قاعد يصير
إلينا:و مع هكا تنجم تضرني
أنا:كيما نجم نعطيك الدنيا الكل
إلينا:و مع هكا ترفض كلشي نطلبو منك
أنا:تستغل في كلامي لمصلحتك
إلينا:نحب نجي معاك
أنا:باهي...عشر دقايق في يدك
إلينا:ماكش باش تهرب عليا
قحرتلها...ضحكت و جبدت روحها مني...تبسمت و خرجت من السويت...خلطت عليا قبل ما نوصل للكرهبة طلعت بالرسمي خايفة نمشي و نخليها غزرلي نوح مستغرب يحكي
نوح:باش تهزها معاك ؟
إلينا:عندك مانع ياخي ؟
أنا:هيا أركب توا
نزلت عينيها من وجهي و ركبت...حطيت يدي على كتفو نحكي
أنا:متخافش...الأمور باش تكون مريقلة كيما يلزم
تبسم و هزلي براسو باهي...خلطت عليها و ركبت مقابلها نحكي
أنا:إلينا...رد بالك من تصرفاتك...ما نحب حتى غلطة كيما رد بالك تشرب و لا تكلم حد زادة
إلينا:طمن...ماهو باش يصير حتى شي من هذوما
أنا:إن شاء الله هكا...و إلا تعرف شنوة باش يصير فيك
إلينا:مفماش إحتمال يتعدا نهار واحد من غير ما تهددني
أنا:للأسف معنديش ثقة في تصرفاتك جملة
إلينا:و لا أنا عندي ثقة فيك
أنا:بالله ؟
إلينا:والله...ساعة شنية تفسر تصرفاتك أنت...كي عريتني من غير إذني
أنا:مانيش مجبور باش نفسرلك
إلينا:ريت ماهو...خاطرك متحشمش أكا علاش معندكش تفسير للي عملتو معايا
أنا:هدي روحك...ساعة أنا باش نكتشف تفاصيل بدنك الكل في الوقت المناسب
إلينا:في أحلامك نخليك تمسني...حتى انا لازمك تحشم و متحكيش معايا بالطريقة هاذي...متليقش براجل محترم كيفك
أنا:تدلل عزيزتي...مع أنك تحب نفس الشي مني
إلينا:شنية باش نحب منك مثلا...ساعة أنا منخممش كيفك أنت
أنا:متأكدة
هزتلي براسها إيه...ضحكت بالوقت...خاصة بعد ما تذكرت كلامها بكري...قحرتلي تحكي
إلينا:يززي كهو...مهما كان اللي قلتو وقتها...مكنتش في وعيي
أنا:مع هكا مشاعرك كانت حقيقية
إلينا:مش صحيح...أنا مستحيل نكون مع شخص كيفك أنت
أنا:أغزرلي و إنتي تحكي
هزت عينيها في وجهي و مع هكا مزالت تهرب فيهم تبسمت نحكي
أنا:مش لازم تنكر مشاعرك إلينا...خاطرهم الحاجة الوحيدة الصادقة و لي تظهر على تعابير وجهك حتى لو حاولت تخفيها
إلينا:مهما كانت حقيقة مشاعري...ماهيش باش تمنع أنو وجودنا مع بعض...هو مصلحة مشتركة بيناتنا و كهو زيد أنا مستحيل نكون مجرد تجربة ليك تتخلص منها في الوقت لي تحب عليه
أنا:الوقت كفيل باش يخليك تفهم و تستوعب كلشي يكفي توا انك تسمع الكلام و تتصرف حسب اللي نطلبو منك واضح
إلينا:مانيش عبدة عندك باش تأمرني
أنا:إنتي وليت جزء مني توا و مهما كانت أوامري ليك هي بدافع إني نحميك و كهو
غزرتلي من غير حتى كلمة...أكثر شي يخليني نشيخ عليها هو الضياع لي نحس بيه في غزرتها و كلامها في كل مرة نحكيو على الموضوع هذا...غير هكا متأكد باش تتمادى أكثر...خاصة أنو معاقبتها ولات حاجة شبه مستحيلة...مدامها تمرض بسرعة...غزرتلي تحكي
إلينا:ياخي مزال باش نطولو في سنتوريني ؟
أنا:لين توفى الخدمة...علاش تسأل ؟
إلينا:توحشت ويليام...مش بالعادة نغيب عليه هكا
أنا:متخافش عليه...باش يكون مليح أكيد
إلينا:منجمش نطمن قبل ما نشوفو...ويليام عيلتي الوحيدة...في الأصل نخاف إني نخسرو و نلقى روحي وحدي...غير هكا أنا نعمل في كلشي على خاطرو هو و كهو..ساعات نحس أنو الوحيد لي ماهوش باش يخذلني في الدنيا هاذي
أنا:أغزرلي هوني
هزت عينيها في وجهي...خذيت نفس و تبسمت نحكي
أنا:بعد توا ما نحب تخاف من حتى شي...و لا حتى من الماضي متاعك خاطرني مانيش باش نخليه يظهر في حياتك من جديد
إلينا:للأسف حتى أنت متنجمش تمحي الماضي هذا و عالأغلب باش يبقى يطارد فيا ديما
بقيت نغزرلها من غير حتى كلمة..فضولي ناحية الماضي متاعها ماشي و يزيد أكثر...أما نحب نسمع تفاصيلو الكل منو هي...مش من أي حد آخر...خذيت نفس و هزيت روحي نزلت بعد ما تحل الباب و مديتلها يدي كبست عليها و نزلت...منعرفش علاش للحظة حسيت أنها في أي لحظة باش تهرد الدنيا الكل.