آفْرُودِيتْ 🦢

الحلقة الثامنة و الثلاثون🧚‍♀️

🔸️حلقة 38
🔸️أركان_يحكي:
هزيت راسي شوية و غزرت للجو لي تبدل مرة أخرى تنهدت بالقاوي و تبسمت...لتوا مش مستوعب الأحداث لي صارت معانا الكل هوني...كأني لأول مرة نعيش علاقة من النوع هذا...فقت من سرحتي على صوت تليفوني...حطيت فنجان القهوة من يدي و هزيت عليه نحكي
أنا:أهلا نووح
نوح:والله توقعت باش تنعزل على العالم
تبسمت و قربت بخطواتي ناحيتها و غزرتلها نحكي
أنا:والله هذا اللي انا بحاجتو توا
نوح:نعرف...و لو مكانش الأمر ضروري مكنتش باش نطلبك
أنا:نسمع فيك نوح
نوح:الموضوع يخص الصفقة لي مع إدوارد و فيكتور
أنا:نظن مزال برشا على الموعد الجاي
نوح:نعرف أما فما تنظيم لحفلة على قريب برشا و نظن حضورك ضروري فيها...خاطرك الوحيد لي تنجم تتصدى لأي خطوة مش محسوبة منو
أنا:باهي نوح..أصلا باش نرجع لأثينا في أقرب فرصة
قربت منها شوية و قعدت على طرف الطاولة نغزرلها و نسمع فيه يحكي
نوح:باهي برشا...غير هكا أنا بعثتلك بقية المعلومات في الإيمايل
مديت يدي شوية و عديت صوابعي على خدها نحكي
أنا:أكيد باش نتفقدهم...أما الأهم توا خبرني على حالة ويليام
نوح:والله في أحسن حالة خاصة مع زيارات آنيا ليه
تبسمت و عديت عينيا على تفاصيل وجها نحكي
أنا:هو أمانة عندك لين نرجع
نوح:تهنى...كلشي باش يكون لباس
أنا:عيشك نوح
علقت عليه و حطيت التليفون على الطاولة...فرد وقت سرحت في ملامحها...متوقعتش باش تعدي بقية نهار راقدة...كيما منعرفش إذا غلطت في حقها بخطوة هكا ناحيتها...خاصة أنها لتوا خايفة مني رغم أنو ردة فعلها معذورة...بعد الماضي لي تعدات بيه و لي منحبش نتعرف عليه من غير إذن منها...مدام هذا قرارها لقيت روحي مظطر باش نحترمو...خاطر ما يهمني حتى شي من غيرها...كبست على يدها و هزيتها عندي شوية بستها منها و غطيتها أكثر...فرد وقت هزيت تليفوني و بعدت عليها...تفقدت بقية المعلومات لي وصلتني من نوح...و عطيتهم أمر باش يكونو حاضرين بخصوص رجوعنا لأثينا في أقرب فرصة...ما نحب حتى شي يكون ناقص و لا متأخر..دورت راسي مع صوتها تحكي
إلينا:إحنا باش نرجعو لأثينا ؟
غزرتلي مستغربة...منعرفش وين هزها مخها بالظبط خذيت نفس و قربت منها شوية...عديت صوابعي على خدها نحكي
أنا:ساعة خبرني كيفاش تحس في روحك ؟
إلينا:منعرفش كيفاش غفيت لتوا ؟ حطيت أكل للقطوسة ؟
أنا:أكيد عزيزتي...حتى تفقدتهم من شوية زادة
إلينا:باهي برشا
أنا:شقولك تحضر روحك توا...خلينا نتعشاو برا
إلينا:خلينا هوني...منحبش نخرج توا
أنا:فما شي لازمني نعرف بيه ؟
إلينا:أنت لتوا مجاوبتنيش...علاش قررت ترجع في أقرب فرصة ؟
عديت عينيا على وجها و نزلت عليها في لحظة هزيتها في حملتي و قربت من الفوتاي...قعدت و كبست عليها نحكي
أنا:الموضوع يتعلق بصفقة مهمة لازمني نكون حاضر فيها...خاطر نوح مينجمش يتكفل بكلشي وحدو
إلينا:ماكش مجبور تفسرلي
تبسمت و نزلت عليها شوية...بستها من رقبتها و عديت يدي على شعرها نحكي
أنا:بعد توا باش نكون مجبور نفسر كلشي يتعلق بيك فينوسي...كان عليا نحب نضيع معاك هوني و ننسى الدنيا الكل...أما فما أمور عالقة منجمش نخليها ورايا غير هكا أنا عندي طلب
هزت عينيها في وجهي...وين خلاتني نضيع فيهم أكثر...خذيت نفس و كملت نحكي
أنا:أرجع عندي للقصر و الأمور باش تكون مختلفة على آخر مرة نوعدك...تنجم تبقى في الجناح متاعك مع ويليام...كيما باش نكون مرتاح أكثر لو بقيت معايا في جناحي الخاص
مدت يدها شوية و عدات صوابعها على رقبتي من غير ما تنزل عينيها من وجهي و نزلت على شفايفها شوية تحكي
إلينا:ياخي فما شكون من النسا متاعك كانت عايشة معاك في الجناح الخاص بيك ؟
أنا:لااا...إنتي الوحيدة لي إحتليتو من غير إذن
إلينا:منتذكرش كنت في وعيي وقت رقدت على سريرك
أنا:مسمعتش جوابك ؟
إلينا:إذا أنا رفضت...علاقتنا باش تاقف هوني ؟
أنا:علاقتنا بعيدة على كل الظروف لي تجمعنا...أنا جيست نحبك معايا في كل لحظة...كيما هكا نجم نطمن عليك أكثر
إلينا:أنا باش نكون لبااس...غير هكا مزلت بحاجة شوية وقت باش نجم ناخو قرار هكا
أنا:باهي...تنجم تاخو وقتك و تقرر
قربت مني شوية..باستني و حطت راسها على صدري
تحكي
إلينا:أنا تعبت برشا باش نجمت نبني حياة مستقرة ليا و لويليام...رجوعي للقصر يعني بداية جديدة و وقت نقرر نرجع نحب نكون متأكدة من الخطوة هاذي و من أنو إحنا لبعضنا مهما كانت الظروف و لآخر لحظة
بستها من راسها و كبست عليها من غير حتى كلمة خاطرني مفهمتش وجهة نظرها بالقدا... كيما منحبش نظغط عليها...خاصة أنها مزالت تاعبة لتو...خذيت نفس من ريحتها نحكي
أنا:متأكدة متحبش تخرج ؟
إلينا:نحب نبقى معاك و كهو
أنا:نحبك تاخو قرارك بسرعة...خاطر منعرفش إذا كنت باش نصبر عليك ملاكي 
غمضت عينيا على شفايفها لي تحطو على رقبتي و كبست عليها أكثر...دخلت بعضي مع سخانة بدنها و أنفاسها لي روهجتني...ضعفها لي بين يديا يخليني ضايع فيها أكثر...كيما منعرفش إذا كنت باش نتقبل قرارها...خاطرني بحاجتها معايا في كل لحظة تفوت عليا...وجودها معايا بدل برشا حاجات في حياتي متوقعتش أنها باش تتغير بعد السنين لي تعدات عليا و بعد الحاجات لي خسرتها...غير هكا منحب نخمم في اللي جاي و لا في الظروف لي باش تكون حائل بيناتنا خاطر بعد اللي عشتو الكل معاد نسمح لحتى مخلوق في الدنيا...يسرق مني حياتي و لا حتى باش نفتح المجال لأي حد باش يضرها مرة أخرى.