آفْرُودِيتْ 🦢

الحلقة الثامنة و السبعون 🦢

🔸️حلقة 78
جبدت روحي منو شوية مع صوت ويليام لي بدا يبكي مرة أخرى...خذيت نفس و هزيتو في حضني نحكي
أنا:ماهوش باش يسكت...قبل ما يرضع
قعدت و قربتو ليا أكثر...سكت أول ما بدا يرضع..قعد بجنبي...و هز البيبرون من الطاولة يحكي
أركان:مزال رافض يرضع منها ؟
أنا:هاو رضع شطرها بكري...أما لتوا نحسو مش متقبلها
أركان:باهي عزيزتي
غمضت عينيا موجوعة كي العادة...فرد وقت نسترجع في كلام كاثرين الكل...مع إني منعرفش شنوة لازمني نعمل بالظبط...جبدتو من حضني بعد ما شبع...مد يديه و هزو من عندي...قربو ليه أكثر يبوس فيه و يحكي معاه...تكيت لتالي...نغزرلهم من غير حتى كلمة...فقت من سرحتي على صوت تليفونو...جبدو بالوقت و تكلم مع المساعدة متاعو...هزيت روحي وقفت كي سمعت آخر جملة منو
أركان:بااهي...أنا باش نجي بعد شوية
علق عليها و هز راسو شوية...غزرلي مستغرب و ضيق عينيه يحكي
أركان:شفما إلينا ؟
أنا:توقعت باش تبقى معايا ليلة...أما ظاهر باش تمشي
أركان:عندي إجتماع مهم...نكملو و نرجعلك..باهي
هزيتلو براسي باهي...وقف و حط ويليام في البوسات متاعو...وين كان عامل جو مع روحو بعد ما شبع...و قرب مني شوية...حاوط وجهي بيديه زوز يحكي
أركان:شبي فينوسي ؟
أنا:أنا لبااس...تنجم تمشي تواا
كبس على خدي و رجعلي شعري لتالي...يحكي
أركان:إيجا عندي تراه
كبس على يدي و جبدني عندو أول ما قعد...وين لقيت روحي في حضنو...حطيت راسي على صدرو و غمضت عينيا...كنت بحاجة راحة و هو بالذات منحبوش يبعد عليا توا...كبس على جنبي يحكي
أركان:منحبش نظغط عليك...بخصوص علاقتك مع أمك أما نحب نعرف سبب الحالة لي إنتي فيها توا ؟ و يا ريت ما تخبي عليا حتى شي
أنا:الكل كان يكذب عليااا...بابا و ويليام...نوراا لي كانت أقرب صديقة لياا...بعد كلشي صار الماضي متاعي مزال يطاارد فيا لتواا
أركان:شنية صار عزيزتي ؟
أنا:كاثرين قالت أنو هي متخلاتش علينا...بعد ما مرضت بعدت شوية باش تتعالج...أما وقت رجعت لعندنا...بابا قرر يبعدنا عليها...خاطر كان خايف يخسرنا...و للأسف أنا إظطريت نعيش في بلد مش متاعي و بين ناس غريبة و من غير أمي زادة
أركان:مفهمتكش ؟ توقعت أنو بوك رجع بيك للبلد متاعو
أنا:كاثرين...خبرتني أنو بابا من هوني و أمو هي لي كانت عربية و عاش معاها في البلد متاعها...و باش يبعدنا إختار بلاصة هي متنجمش توصل ليها
سكت شوية و باسني من راسي...خذيت نفس من ريحتو و هزيت عينيا في وجهو...نحكي
أنا:أنا نحب نعرف كلشي يتعلق بيه...نقصد أصل بابا و عيلتو...أنت تنجم تساعدني ؟
أركان:إنتي تطلب لي تحب عليه فينوسي...يكفي إني معادش نشوفك في الحالة هاذي مرة أخرى
عديت عينيا على تفاصيل وجهو و خذيت نفس نحكي
أنا:أنا نحب نعرف حقيقة مشاعرك ناحيتها
أركان:مشاعري كلها ليك وحدك
أنا:أنت مزلت معاها لتوا
أركان:أنا جيست نساعد فيها...مش أكثر...أما مفما حتى علاقة بيني و بينها
هزيتلو براسي باهي و رجعت شعري لتالي...نحكي
أنا:الأشخاص لي كانو في حياتي الكل تخلاو علياا و أنت باش يجي نهار و تعمل نفس الشي معايا
أركان:إنتي لي مشيت و خليتني
أنا:أنا كنت خايفة و كهو
أركان:أنا مانيش باش نتخلى عليك مرة أخرى...مهما كان اللي باش يصير...إنتي عيلتي الكل فينوسي
عديت صوابعي على خدو و قربت منو أكثر...كبس على أجنابي أول ما حطيت شفايفي فوق شفايفو حتى أنا منحبش نخمم في اللي باش يصير و لا في إحتمال أنو هو مزال يحبها...رغم إني مزلت خايفة من مشاعرو لي دفنها من سنين...طلع بيديه لظهري و غرق معايا أكثر جبدت روحي منو مع صوت تليفونو و نزلت على شفايفي شوية...تنهد بقوة و هز عليها يحكي
أركان:أجل الإجتماع لوقت آخر دياانا
علق عليها و رجعني عندو بالوقت...حطيت راسي على كتفو و عديت يدي على صدرو نحكي
أنا:أنت باش تبقى معاياا
أركان:مانيش باش نخليك ورايا...قبل ما تتحسن غير هكا نعرف أنو الصغرون باش يعذبك
أنا:ولدي أجمل حاجة صارت معايا...أصلا منعرفش كيفاش بقى قوي و تمسك بالدنيا...عكس بنتي لي مشات و خلاتني هي زادة
أركان:ششش...يزي كهو...منحبش نحكي في الموضوع هذا جملة...ويليام موجود و بحاجتنا زوز زادة...نعرف أنو الخسارة كانت كبيرة برشا بالنسبة لينا الزوز...أما لازم تتجاوزها...للأسف مفماش حل آخر
أنا:أنت مزلت متغشش مني ؟
أركان:لااا...أصلا منجمش نلومك على اللي صار
كبست على صدرو أكثر...شدني من يدي و باسني منها تبسمت مع صوت ويليام لي بدا يبكي مرة أخرى...ضيق عينيه يحكي
أركان:ياخي يحبك ليه وحدو ؟
أنا:نظن لازمك تتخلص من غيرتك هاذي سيد أركاان
أركان:منجمش...أنا لتوا منجمتش نتعود على فكرة أنو فما شكون يشاركك معاياا طول الوقت و للأسف الشخص هذا قطعة من روحي...جرايرك إنتي وليت نغير من ولدي زادة
قربت منو شوية و بستو أول ما كمل كلامو و جبدت روحي منو بالسيف عليا...هزيت ويليام في حضني و قعدت بجنبو نسكت فيه...لين غفى في حضني تبسمت نحكي
أنا:كلشي نحب عليه...نخلي ولدي يعيش حياة مستقرة عكس لي عشتو أنا و خويا في الماضي
أركان:إيجا عندي تراه
قربت منو شوية و تكيت على صدرو...باسني من راسي يحكي
أركان:أنا مستحيل نتخلى عليكم و لا حتى نخليك تعيش نفس الشي مرة أخرى 
تنهدت براحة و كبست على ويليام في حضني مكنتش نعرف شنوة كان باش يصير فيا لو بقيت وحدي..خاصة بعد اللي سمعتو الكل من كاثرين الكل لدرجة إني غفيت من غير ما نحس على روحي خاطرني تعبت برشا و وجودو معايا يخليني نرتاح من الظغط اللي تعديت بيه الكل