آفْرُودِيتْ 🦢

الحلقة التسعون🦢

🔸️حلقة 90
🔸️إلينا_تحكي:
حليت عينيا مروهجة و هزيت روحي تقعدت..حطيت يدي على صدري نرد في النفس ورا بعضو..هاربة من الكابوس لي شفتو...رجعت شعري لتالي و غزرت لبلاصتو لي كانت فارغة...منعرفش إمتى فاق و إذا كان خرج و لا لا...جبدت سوريتو لي كانت على طرف السرير و لبستها بالوقت...وين استرجعت تفاصيل الليلة لي فاتت...تبسمت و قربت من سرير ويليام لي كان فايق و مطلع ساقيه...غزرت للبيبرون متاعو لي كان فارغ...عرفت أنو رضعو قبل ما يخرج...ضحك معايا و حط يديه الزوز في فمو...تنهدت بقوة و خرجت من الغرفة...باش نشوف اذا مزال في الجناح لقيت أولجا تحط في الفطور...غزرتلها نحكي
أنا:أولجاا ياخي شفت أركان ؟
أولجا:خرج من بكري...خبرني نقلك أنو وصلو خبر من المستشفى و إظطر يخرج من غير ما يفيقك
أنا:أيان لباااس ؟
أولجا:منعرفش...أما مدام كاثرين لوطة...كنت نستنى فيك تفيق باش نعطيك خبر...نخليها تطلع عندك ؟
أنا:أكيد...نستنى فيهاا
أولجا:حاضر مدام إليناا
تبسمت و رجعت لتالي مع صوت ويليام...هزيتو في حضني و بستو من خدو نحكي
أنا:روح ماما...شبي صغروني يبكي ؟
سكت في حضني...كبست عليه و عاودت خرجت نستنى فيها...سمعت صوت الأصونصير...دخلت عندي بالوقت...حطت صاكها تحكي
كاثرين:صباح الخير عزيزتي
أنا:أهلا بيك كاثرين
كاثرين:إنتي لبااس ؟
أنا:لبااس...جيست تحيرت خاطر أركان خرج من غير ما يخبرني...عرفت من اولجا أنو مشى للمستشفى ياخي أيان بخير ؟
كاثرين:أياان فاق من الغيبوبة و حالتو مستقرة..حتى أنو ينجم يخرج في أقرب وقت
تنهدت براحة...متوقعتش نسمع الخبر هذاا...توا فهمت علاش خرج بكري...أما في نفس الوقت نحس في روحي مش قد بعضي و قلبي مش مطمني جملة عديت يدي على ظهر ويليام لي بدا يبكي من جديد قربت مني تحكي
كاثرين:خليني نحملو عليك
بستو من خدو و حطيتو بين يديها..غزرتلي مستغربة
وين إستوعبت إني مزلت بالشوميز متاعو...كبست عليها نحكي
أنا:فقت من شوية و ملحقتش باش نلبس حوايجي تو شوية نرجعلك
كاثرين:براحتك يا روحي
تبسمت و رجعت لتالي...دخلت لغرفة الدريسينغ و نحيت الشوميز...غزرت للآثار متاعو لي خلاهم على بدني...تبسمت و لبست بسرعة...فرد وقت هزيت تليفوني نطلب فيه...رجعت شعري لتالي كي مردش عليا و رجعت عندها...وين لقيتها تلعب مع ويليام قعدت بجنبها نغزر لتليفوني...هزت عينيها في وجهي
تحكي
كاثرين:إلينا شفما عزيزتي ؟
أنا:أركاان ماهوش يرد علياا
كاثرين:يمكن قاعد مع أيان تواا
أنا:أما بالعادة يرد عليا...مهما كان الوضع
كاثرين:صارت حاجة ياخي ؟
أنا:شفت حلمة خايبة برشااا و خفت أكثر كي ملقيتوش بجنبي
كاثرين:هدي روحك...تبقى مجرد حلمة و كهو
أنا:لاا...المرة هاذي حسيت أنها حلمة مختلفة...أنا منجمش حتى نخمم فيها...خاطرني مانيش مستعدة نخسر أركاان و لا حتى نعيش من غيرو
كاثرين:يززي كهو...أكيد باش يكون بخير يا روحي
كبست على تليفوني و طلبتو مرة أخرى...نستنى فيه يرد علياا...حطت يدها على يدي تحكي
كاثرين:إلينااا...هدي روحك عيش بنتي...أكيد مسمعوش و لا نساه في الكرهبة
أنا:ملا باش نطلب نوح...أكيد معاه توا
كاثرين:بااهي
طلبت نوح و عديت يدي على رقبتي...هز عليا يحكي
نوح:صباح الخير إليناا...لبااس ؟
أنا:نووح...أنا نطلب في أركان من بكري ماهوش يرد عليااا...ياخي صارت حاجة أنا منعرفش بيها ؟
نوح:لاا...الأمور الكل لبااس...أركان مشى باش يطمن على أيان...يمكن مسمعوش و لا أكيد راهو رد عليك هاني باش نمشي للمستشفى توا و نخليه يطلبك
أنا:باهي عيش خوياا...إذا صار شي خبرني
نوح:أكيد...طمن
علقت عليه و عاودت طلبت أركان...حطيت التليفون من يدي كي مردش عليا و غزرت لويليام لي رقد في حضنها...الخوف لي حاسة بيه خلاني عاجزة باش نهتم بولدي..خاطر كل تفكيري معاه هو و كهو..رجعت
شعري لتالي نحكي
أنا:تتوقع هو لبااس ؟
كاثرين:تتوقع كان صارت معاه حاجة نوح باش يخبي عليك ؟
أنا:منعرفش...بعد كلشي تعديت بيه منجمش نسبق الأحداث الباهية...غير هكا نعرف أنو أركان يخمم في الإنتقا-م و كلنا نعرفو أنو باتريك ماهوش سااهل و يمكن يضرو...خاصة أنو مادلين رهينة عند أركاان و أنا ممنوع عليا نخرج من الجناح متااعي و منجمش نتحكم في أفكاري...أنا خااايفة عليه برشااا
كارثين:تحب نمشي للمستشفى و نطمنك عليه ؟
أنا:نوح في طريقو لغديكااا...أكيد باش يطمني على الوضع...غير هكا أنا مانيش باش نجم نعتني بويليام قبل ما نطمن أنو أركان بخير و نسمع صوتو زادة
رجعت شعري لتالي و كبست على يديا زوز...نسترجع في تفاصيل الحلمة لي عشتها ساعتين لتالي...لتوا منجمتش نتخلص من الخوف لي حسيت بيه..خاصة كي ملقيتوش بجنبي و منعرفش وين هو توا و لا شنوة قاعد يصير خارج القصر هذا...أصلا نعرف لي هو مستحيل يرتاح قبل ما ياخو الثأر متاعو من باتريك...و هذا أكثر شي خايفة منو...خايفة يتمادى بإنتقامو و يخسر روحو زادة...مجرد فكرة خلاتني على أعصابي...و لولا وجود كاثرين توا مكنتش نعرف كيفاش نلتهى بويليام وسط الظروف هاذي...هزيت تليفوني و طلبتو مرة أخرى على أمل أنو يرد عليا و يطمني كي العادة..غير هكا مستحيل نرتاح و لا حتى نبقى طول النهار من غير ما نعرف عليه حتى شي غزرت لكاثرين لي هزت ويليام للغرفة متاعو و تكيت راسي لتالي..خذيت نفس طويل نهدي في روحي باش نجم نخمم بالقدا و منتسرعش بتصرفاتي و نهرد الدنيا..خاطر بالرسمي مش وقت إني نحط روحي في مشكلة جديدة.